കോട്ടക്കല്> പിടികൂടിയ അനധികൃത ലഹരി ഉല്പ്പന്നങ്ങള് മറിച്ചുവിറ്റ് പണം കൈക്കലാക്കിയ കേസില് രണ്ട് പൊലീസ് ഉദ്യോഗസ്ഥര് അറസ്റ്റില്. കോട്ടക്കല് സ്റ്റേഷനിലെ എഎസ്ഐ രജീന്ദ്രന്, സി പി സജി അലക്സാണ്ടര് എന്നിവരെയാണ് നാര്ക്കോട്ടിക് ഡിവൈഎസ്പി മോഹനചന്ദ്രന്റെ നേതൃത്വത്തിലുള്ള സംഘം അറസ്റ്റ് ചെയ്തത്. രണ്ട് പേരെയും സര്വീസില് നിന്നും സസ്പെന്ഡ് ചെയ്തതായി ജില്ലാ പൊലീസ് മേധാവി എസ് സുജിത് ദാസ് അറിയിച്ചു.
കഴിഞ്ഞ ജൂണ് 21നാണ് മഹീന്ദ്ര മിനി ലോറിയില് കടത്തിയ ഹാന്സ് പാക്കുകള് കോട്ടക്കല് പൊലീസ് പിടികൂടിയത്. നാസര്, അഷ്റഫ് എന്നീ രണ്ടുപേരെ കേസില് അറസ്റ്റ് ചെയ്യുകയും ചെയ്തു. വാഹന ഉടമ നല്കിയ കേസില് വാഹനം വിട്ടുനല്കാന് കോടതി ഉത്തരവിട്ടു. പിടികൂടിയ ലഹരി ഉല്പ്പന്നങ്ങള് നശിപ്പിക്കാനും കോടതി നിര്ദേശിച്ചു. എന്നാല്, ഉടമയില് നിന്നും 1,20,000 രൂപ ഈടാക്കി പൊലീസുകാര് ഹാന്ഡ് പാക്കറ്റുകള് വിട്ടുനല്കി.
കേസിലെ പ്രതികള് തന്നെയാണ് ജില്ലാ പൊലീസ് മേധാവിക്ക് പരാതി നല്കിയത്.
