ലൊസ് ആഞ്ചലസ്
വിവാഹ നിശ്ചയ ചിത്രങ്ങള് പുറത്തുവിട്ട് അമേരിക്കന് പോപ്പ് താരം ബ്രിട്നി സ്പിയേഴ്സ്. കാമുകനും മോഡലുമായ സാം അസ്ഗരിയോടൊപ്പം മോതിരം അണിഞ്ഞ വിരലുകള് കാട്ടിയുള്ള വീഡിയോയും ചിത്രങ്ങളും ഗായിക ഇന്സ്റ്റഗ്രാമില് പോസ്റ്റ് ചെയ്തു. 27-കാരനായ അസ്ഗരിയും മുപ്പത്തൊമ്പതു-കാരിയായ ബ്രിട്നിയും 2016-ല് ഒരു മ്യൂസിക് വീഡിയോയുടെ സെറ്റിലാണ് കണ്ടുമുട്ടിയത്. ബ്രിട്നി മുമ്പ് രണ്ടുതവണ വിവാഹിതയായിട്ടുണ്ട്.
ഗായികയുടെ പിതാവ് ജെമി സ്പിയേഴ്സ് തന്റെ 13 വർഷത്തെ രക്ഷാകര്തൃ ഭരണം അവസാനിപ്പിക്കാന് തയ്യാറാണെന്ന് കോടതിയെ അറിയിച്ച് ഒരാഴ്ചയ്ക്കുള്ളിലാണ് വിവാഹ വാർത്ത വരുന്നത്. കോടികൾ വരുന്ന സ്വത്ത് കൈകാര്യം ചെയ്യാനുള്ള മാനസിക നിലയിലല്ല ബ്രിട്നിയെന്നാണ് പിതാവ് നേരത്തേ കോടതിയെ അറിയിച്ചിരുന്നത്.
