സാമ്പത്തിക ലാഭവും വ്യക്തികളുടെ സ്വാര്‍ത്ഥതയുമാണ് കുറ്റകൃത്യങ്ങളുടെ കാതൽ എന്നും കുറ്റവാളികള്‍ ജാതി – മതാടിസ്ഥാനത്തിൽ പ്രവര്‍ത്തിക്കന്നത് ആധുനിക കാലഘട്ടത്തിൽ വിരളമാണെന്നും പിടി തോമസ് ഫേസ്ബുക്കിൽ കുറിച്ചു. “ഇത്തരം നിരീക്ഷണങ്ങൾ സമൂഹത്തിലുണ്ടാക്കുന്ന വിള്ളൽ അപകടരമാണ്. എന്നും മത സൗഹാർദ്ധം പുലർത്തിപോരുന്ന സമുദായങ്ങളെ ഭിന്നിപ്പിക്കാൻ ആരും ഇന്ധനം നൽകരുത്.” പിടി തോമസ് വ്യക്തമാക്കി. വെള്ളിയാഴ്ച രാവിലെ പുറത്തു വന്ന പോസ്റ്റ് നിരവധി പേര്‍ ഫേസ്ബുക്കിൽ പങ്കുവെച്ചിട്ടുണ്ട്.
Also Read:
കോട്ടയം കുറവിലങ്ങാട്ട് പള്ളിയിലെ എട്ടുനോമ്പ് ആചരണവുമായി ബന്ധപ്പെട്ടു നടത്തിയ പ്രസംഗത്തിലാണ് പാലാ ബിഷപ്പ് വിവാദ പരാമര്‍ശം നടത്തിയത്. ഇതാദ്യമായാണ് കത്തോലിക്കാ സഭയിലെ ഒരു ബിഷപ്പ് നാര്‍ക്കോട്ടിക് ജിഹാദ് എന്ന പദം ഉപയോഗിക്കുന്നത്. ലൗ ജിഹാദിനു പുറമെ നാര്‍ക്കോട്ടിക് ജിഹാദും ഉണ്ടെന്ന് ആരോപിച്ച ബിഷപ്പ് സഭയിലെ പെൺകുട്ടികളെ തട്ടിയെടുക്കാൻ ‘ചില കേന്ദ്രങ്ങള്‍’ പ്രവര്‍ത്തിക്കുന്നുണ്ടെന്ന് മുൻപ് ഒരു സര്‍ക്കുലറിലും ആരോപിച്ചിരുന്നു. പ്രണയത്തെ സഭ എതിര്‍ക്കുന്നില്ലെന്ന് ബിഷപ്പ് പറഞ്ഞു. എന്നാൽ ഇവിടെ പ്രണയമല്ല സംഭവിക്േകുന്നതെന്നും ജിഹാദികളുടെ ലക്ഷ്യം പൂര്‍ണമായി നശിപ്പിക്കുക എന്നതണെന്നും അദ്ദേഹം കൂട്ടിച്ചേര്‍ത്തു. അമുസ്ലീങ്ങളായ എല്ലാവരെയും നശിപ്പിക്കണം എന്നതാണ് ജിഹാദ് കൊണ്ട് ലക്ഷ്യം വെക്കുന്നതെന്നും ആയുധം ഉപയോഗിക്കാൻ സാധിക്കാത്ത സാഹചര്യങ്ങളിലാണ് ഇത്തരം മാര്‍ഗങ്ങള്‍ ഉപയോഗിക്കുന്നതെന്നും ബിഷപ്പ് പറഞ്ഞു. ഇതരമതസ്ഥരായ യുവതികള്‍ ഐഎസ് ക്യാംപിൽ എത്താനുള്ള കാരണം അന്വേഷിച്ചാൽ ഇക്കാര്യം വ്യക്തമാകുമെന്നും ബിഷപ്പ് കൂട്ടിച്ചേര്‍ത്തു.
Also Read:
അതേസമയം, ബിഷപ്പിൻ്റെ വിവാദ പ്രസ്താവനയെ പിന്തുണച്ച് യൂത്ത് കോൺഗ്രസ് പാലാ യൂണിറ്റ് രംഗത്തെത്തിയതും വിവാദമായിരുന്നു. എന്നാൽ യൂണിറ്റിൻ്റെ നിലപാടിനെ സംഘടന തള്ളിപ്പറഞ്ഞു. സമൂഹത്തിൽ വിഭാഗീയതയുണ്ടാക്കുന്ന ഒരു നിലപാടിനെയും യൂത്ത് കോൺഗ്രസ് പിന്തുണയ്ക്കുന്നില്ലെന്നും ഇതിനെ ശക്തമായി എതിര്‍ക്കുമെന്നും യൂത്ത് കോൺഗ്രസ് സംസ്ഥാന കമ്മിറ്റി ഫേസ്ബുക്കിൽ വ്യക്തമാക്കി.
പാലാ ബിഷപ്പ് മുസ്ലീം സമുദായത്തിനെതിരെ വിദ്വേഷ പ്രചാരണം നടത്തിയെന്നു കാണിച്ച് ഇതിനോടകം പോലീസിൽ പരാതി ലഭിച്ചിട്ടുമുണ്ട്. എംഎസ്എഫ് ഡൽഹി സ്റ്റേറ്റ് വൈസ് പ്രസിഡൻ്റും ഡൽഹി യൂണിവേഴ്സിറ്റി നിയമവിദ്യാര്‍ഥിയുമായ അഫ്സൽ യൂസഫാണ് തൃശൂര്‍ പോലീസിൽ പരാതി നല്‍കിയത്. മുസ്ലീം സമുദായത്തിനെതിരെ അടിസ്ഥാന രഹിതമായ ആരോപണങ്ങള്‍ ഉന്നയിച്ച ബിഷപ്പിനെതിരെ കേസെടുക്കണമെന്ന് അദ്ദേഹം പരാതിയിൽ ആവശ്യപ്പെട്ടു.
