കറാച്ചി
ട്വന്റി–20 ലോകകപ്പ് ക്രിക്കറ്റിനുള്ള പാകിസ്ഥാൻ ടീമായി. പരിചയസമ്പന്നരായ സർഫ്രാസ് അഹമ്മദ്, ഷർജീൽ ഖാൻ, ഫഹീം അഷ്റഫ് എന്നിവർ പുറത്തായി. ബാബർ അസം നയിക്കുന്ന 15 അംഗ ടീമിൽ ആസിഫ് അലിയും കുഷ്ദിൽ ഷായും ഉൾപ്പെട്ടു. ഷദാബ് ഖാനാണ് വെെസ് ക്യാപ്റ്റൻ.
ഒക്ടോബർ 24ന് ഇന്ത്യക്കെതിരെയാണ് ലോകകപ്പിലെ പാകിസ്ഥാന്റെ ആദ്യകളി. ലോകകപ്പിനുമുന്നോടിയായി ന്യൂസിലൻഡുമായും ഇംഗ്ലണ്ടുമായും പാക് ടീമിന് ട്വന്റി–20 പരമ്പരയുണ്ട്.
