തിരുവനന്തപുരം: പൂജപ്പുര സെൻട്രൽ ജയിലിൽ നിന്ന് കൊലക്കേസ് പ്രതി ചാടിപ്പോയി. തമിഴ്നാട് തൂത്തുക്കുടി സ്വദേശി ജാഹിർ ഹുസൈനാണ് (48) ജയിൽ ചാടിയത്.
2017 ൽ ഒരു കൊലക്കേസുമായി ബന്ധപ്പെട്ട് ജീവപര്യന്തം തടവിന് ശിക്ഷിക്കപ്പെട്ടയാളാണ് ജാഹിർ ഹുസൈൻ.
ചൊവ്വാഴ്ച രാവിലെയോടെയായിരുന്നു സംഭവം.ഒമ്പത് മണിയോടെയാണ് ജാഹിർ ഹുസൈൻ ചാടിയ വിവരം ജയിൽ അധികൃതർ അറിയുന്നത്. ജയിൽ ചുറ്റുമതിലിനോട് ചേർന്ന അലക്ക് യന്ത്രത്തിലായിരുന്നു ഇയാൾ ജോലി ചെയ്ത് വന്നിരുന്നത്.
ഇയാൾക്കായി വ്യാപകമായി തിരച്ചിൽ ആരംഭിച്ചിട്ടുണ്ട്. തമിഴ്നാട് അതിർത്തി പ്രദേശങ്ങളിലും തിരച്ചിൽ നടക്കുന്നുണ്ട്. അതേസമയം തന്നെ ജാഹിർ ഹുസൈൻ മുമ്പ് ഇത്തരത്തിൽ ഒരു ദൗത്യത്തിന് തുനിഞ്ഞിട്ടില്ലെന്നും ജയിൽ അധികൃതർ വ്യക്തമാക്കുന്നുണ്ട്.
രാവിലെ ഏഴരയ്ക്കാണ് അലക്കുയന്ത്രത്തിലേക്ക് ഇയാളെ ജോലിക്കായി നിയോഗിച്ചത്. ഇതിന് ശേഷമായിരുന്നു ജയിൽ ചാട്ടം.
Content Highlights:Accused in the murder case escaped from Poojappura Central Jail
