വിധി അനുകൂലമെങ്കില് പ്രായോഗികത പരിശോധിക്കാനുള്ള വിദഗ്ധസമിതിയെ നിയമിക്കും. നേരത്തെ സ്കൂൾ തുറക്കുന്നതിനെക്കുറിച്ച് പഠിക്കാൻ വിദഗ്ധസമിതിയെ നിയമിക്കാനായിരുന്നു തീരുമാനം. എന്നാൽ കോടതി വിധിയ്ക്ക് ശേഷം മാത്രമേ വിദഗ്ധ സമിതിയെ നിയമിക്കൂ എന്നാണ് മന്ത്രി വ്യക്തമാക്കിയിരിക്കുന്നത്.
പ്ലസ് വൺ പരീക്ഷ നടത്താനുള്ള തീരുമാനം കോടതി സ്റ്റേ ചെയ്തിരിക്കുന്ന സമയത്ത് സ്തൂൾ തുറക്കുന്ന നടപടിയുമായി മുന്നോട്ട് പോകുന്നത് അനുചിതമെന്നാണ് വകുപ്പിന്റെ വിലയിരുത്തൽ. സെപ്റ്റംബർ 13ന് കോടതി കേസ് വീണ്ടും പരിഗണിക്കുന്നതുവരെ പരീക്ഷ നിർത്തിവയ്ക്കണമെന്നായിരുന്നു കോടതിയുടെ നിർദേശം. ഇതോടെയാണ് സെപ്റ്റംബർ 6നു ആരംഭിക്കേണ്ടിയിരുന്ന പരീക്ഷ മാറ്റിയത്.
Also Read :
കേരളത്തിലെ കൊവിഡ് സാഹചര്യം ചൂണ്ടിക്കാട്ടി ഒരു അഭിഭാഷകൻ നൽകിയ ഹർജിയെത്തുടർന്നാണ് സുപ്രീം കോടതി പരീക്ഷ സ്റ്റേ ചെയ്തത്. കോടതി വിധി എതിരായാല് സ്കൂള് തുറക്കുന്ന നടപടിയുമായി സര്ക്കാര് മുന്നോട്ടുപോകില്ല.
സംസ്ഥാനത്ത് ഇപ്പോഴും ടെസ്റ്റ് പോസിറ്റീവിറ്റി നിരക്ക് ഉയർന്ന നിലയിൽ തുടരുകയാണ്. തിങ്കളാഴ്ച ആരോഗ്യവകുപ്പ് പുറത്തുവിട്ട കൊവിഡ് വിവരങ്ങളിൽ സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 16.71 ആണ്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) ഏഴിന് മുകളിലുള്ള 296 തദ്ദേശ സ്വയംഭരണ പ്രദേശങ്ങളാണുള്ളത്. അതില് 81 എണ്ണം നഗര പ്രദേശങ്ങളിലും 215 എണ്ണം ഗ്രാമ പ്രദേശങ്ങളിലുമാണുള്ളത്.
Also Read :
സംസ്ഥാനത്തെ വിവിധ ജില്ലകളിലായി 6,20,739 പേരാണ് ഇപ്പോള് നിരീക്ഷണത്തിലുള്ളത്. ഇവരില് 5,87,582 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 33,157 പേര് ആശുപത്രികളിലും നിരീക്ഷണത്തിലാണ്. 2463 പേരെയാണ് ഇന്നലെ ആശുപത്രിയില് പ്രവേശിപ്പിച്ചത്.
Also Read :
അതേസമയം ഞായറാഴ്ചത്തെ ലോക്ക് ഡൗണും രാത്രികാല കർഫ്യുവും തുടരണോ എന്നതടക്കമുള്ള നിർണായക തീരുമാനങ്ങൾ ഇന്നുണ്ടായേക്കും. മുഖ്യമന്ത്രി പിണറായി വിജയന്റെ നേതൃത്വത്തിൽ ഇന്ന് ചേരുന്ന കൊവിഡ്-19 അവലോകന യോഗമാണ് വിഷയത്തിൽ തീരുമാനമെടുക്കുക.മുഖ്യമന്ത്രിയുടെ നേതൃത്വത്തിൽ ഇന്ന് ഉച്ചയ്ക്ക് മൂന്നരയ്ക്കാണ് യോഗം ചേരുന്നത്. ഞായറാഴ്ചത്തെ ലോക്ക് ഡൗണും രാത്രികാല കർഫ്യുവും പിൻലിക്കണമെന്ന് മുഖ്യമന്ത്രി കഴിഞ്ഞ ദിവസം വിളിച്ച യോഗത്തിൽ വിദഗ്ധർ അഭിപ്രായപ്പെട്ടിരുന്നെന്നാണ് റിപ്പോർട്ട്.
