തിരുവനന്തപുരം
ഡിവൈഎഫ്ഐ റിലേ സത്യഗ്രഹം തിങ്കളാഴ്ച ആരംഭിക്കും. കുതിച്ചുയരുന്ന ഇന്ധനവില വർധനയ്ക്കും വർധിക്കുന്ന തൊഴിലില്ലായ്മയ്ക്കും വാക്സിൻ വിതരണത്തിലെ അനാസ്ഥയ്ക്കുമെതിരെ ബ്ലോക്ക് കേന്ദ്രങ്ങളിലെ കേന്ദ്രസർക്കാർ ഓഫീസുകൾക്ക് മുന്നിലാണ് സത്യഗ്രഹം.
രാജ്ഭവന് മുന്നിൽ രാവിലെ പത്തിന് സിപിഐ എം പൊളിറ്റ് ബ്യൂറോ അംഗം എം എ ബേബി ഉദ്ഘാടനം ചെയ്യും. വെള്ളിയാഴ്ച ചക്രസ്തംഭന സമരത്തോടെ സത്യഗ്രഹം സമാപിക്കും. സമാപന സമ്മേളനം സിപിഐ എം സംസ്ഥാന സെക്രട്ടറിയുടെ ചുമതലയുള്ള എ വിജയരാഘവൻ ഉദ്ഘാടനം ചെയ്യും. ചക്രസ്തംഭന സമരത്തിന്റെ പ്രചാരണാർഥം ബ്ലോക്ക് കേന്ദ്രങ്ങളിൽ വ്യാഴാഴ്ച പ്രക്ഷോഭ ജാഥ സംഘടിപ്പിക്കും.
