അതെ സമയം നിതിൻ മിശ്ര എന്ന് പേരുള്ള വ്യക്തി അടുത്തിടെ വാങ്ങിയ സമോസ കിട്ടിയത് ക്രമ നമ്പർ സഹിതമാണ്. ഒരു സ്റ്റിക്കറിൽ സമോസയുടെ നമ്പർ പതിപ്പിച്ചതല്ല. സമോസയിൽ തന്നെ ക്രമ നമ്പർ ഒരു അച്ചുകൊണ്ട് കുത്തിയാണ് ക്രമീകരിച്ചിരിക്കുന്നത്. നിതിൻ ഉടൻ നമ്പറിട്ട സമോസയുടെ ചിത്രം ട്വിറ്ററിൽ പോസ്റ്റ് ചെയ്തു. “ഞാൻ ഓർഡർ ചെയ്ത സമോസകൾക്ക് സീരിയൽ നമ്പറുകൾ ഉണ്ടായിരുന്നു. ഹലോ ടെക് ലോകമേ എന്റെ അലുവയിൽ നിന്നൊന്ന് മാറി നിൽക്കാമോ” എന്ന കുറിപ്പോടെയാണ് നിതിൻ ചിത്രം പോസ്റ്റ് ചെയ്തത്. നിമിഷങ്ങൾക്കുള്ളിൽ പോസ്റ്റ് വൈറലായി.
ഭക്ഷ്യവസ്തുക്കളുടെ സീരിയൽ നമ്പർ ഒരു പുതിയ ആശയമാണെന്ന് ചിന്തിക്കരുതേ. ‘സമോസ പാർട്ടി’ എന്ന പ്രശസ്തമായ ഭക്ഷണശാല പിന്തുടരുന്ന ഒരു രീതിയാണിതെന്ന് ഒരു ഉപയോക്താവ് ചിത്രത്തിന് കീഴെ കുറിച്ചിട്ടുണ്ട്. “ഈ സമൂസകൾ മിക്കവാറും സമോസ പാർട്ടിയിൽ നിന്നായിരിക്കും താങ്കൾ വാങ്ങിയിരിക്കുക” എന്നാണ് ചന്ദൻ ഗുപ്ത എന്ന് പേരുള്ള ട്വിറ്റെർ ഉപഭോക്താവ് പറയുന്നത്.
ചിലർക്ക് ക്രമ നമ്പറിട്ട സമോസ കൗതുകമുണ്ടായിരുന്നപ്പോൾ മറ്റു ചിലർ ഇത് ഒരു തെറ്റായ കീഴ്വഴക്കമാണ് എന്നാണ് പ്രതികരിച്ചത്. “ഓ, ഇപ്പോൾ ആരുടെ സമോസ ആണ് എന്ന് ഇപ്പോൾ നമുക്ക് അക്ഷരാർത്ഥത്തിൽ അറിയാം,” ഒരു ഉപയോക്താവ് താമസ രൂപേണ കുറിച്ചു. “ഒരേ സമയം തമാശയും വിചിത്രവും. എന്തായാലും നമ്പറിട്ട സമോസ എനിക്ക് വേണ്ട” ഒരാൾ കുറിച്ചു. ചിലർ ഒരു ക്യുആർ കോഡിലും പഞ്ചിംഗ് കൂടെ ആവാമായിരുന്നു എന്നാണ് കുറിച്ചിരിക്കുന്നത്. ‘അധികം താമസമില്ലാതെ ബാർകോഡ് ചേർക്കുമോ?’ എന്നാണ് ഗുരു കമന്റ് ചെയ്തിരിക്കുന്നത്.
