Also Read :
അതിന്റെ ഭാഗമായി തെളിവുകള്‍ ഹാജരാക്കാൻ ബന്ധപ്പെട്ട് രേഖകളാണ് ജലീൽ ഇ ഡി ഓഫീസിലെത്തിച്ചത് എന്നാണ് മാനോരമ ഓൺലൈൻ അടക്കമുള്ള മാധ്യമങ്ങള്‍ റിപ്പോര്‍ട്ട് ചെയ്യുന്നത്. രാവിലെ 10.45 ഓടെയാണ് എംഎൽഎ ബോര്‍ഡ് വച്ച കാറാലാണ് ജലീൽ ഇഡി ഓഫീസിലേക്ക് എത്തിയത്.
ചന്ദ്രികയുമായി ബന്ധപ്പെട്ട പത്ത് കോടി രൂപയുടെ കള്ളപ്പണ ഇടപാട് ആരോപണത്തിൽ ഇഡി അന്വേഷണം പുരോഗമിക്കുന്നതിനിടെയാണ് കുഞ്ഞാലിക്കുട്ടിക്കും മകനും എതിരെ കള്ളപ്പണ ആരോപണം ഉയര്‍ത്തിയിരിക്കുന്നത്.
എ ആര്‍ നഗര്‍ സഹകരണ ബാങ്കിനെ മറയാക്കി കള്ളപ്പണം വെളുപ്പിക്കലാണ് കുഞ്ഞാലിക്കുട്ടി നടത്തുന്നത് എന്നായിരുന്നു കെ ടി ജലീലിന്റെ പ്രധാന ആരോപണം. സഹകരണ ബാങ്കിൽ കുഞ്ഞാലിക്കുട്ടിക്ക് 300 കോടി കള്ളപ്പണം ഉണ്ടെന്നും അദ്ദേഹം അന്ന് ആരോപിച്ചു.
Also Read :
സംഭവത്തിൽ ബാങ്ക് സെക്രട്ടറി ഹരികുമാര്‍ കുഞ്ഞാലിക്കുട്ടിയുടെ സഹായി ആണെന്നും ജലീൽ പറഞ്ഞിരുന്നു. ചന്ദ്രിക അക്കൗണ്ട് വഴിയും കള്ളപ്പണ ഇടപാട് നടത്തിയതായും ജലീൽ ആരോപണം ഉയര്‍ത്തിയിരുന്നു.
ആരോപണങ്ങള്‍ക്ക് പിന്നാലെ ആരോപണ വിധേയമായ എ ആര്‍ നഗര്‍ സഹകരണ ബാങ്കിലെ കൂടുതൽ തിരുമറികള്‍ സംബന്ധിച്ച വാര്‍ത്തകള്‍ പുറത്തുവന്നിരുന്നു. ഇടപാടുകാര്‍ അറിയാതെ അവരുടെ അക്കൗണ്ട് വഴി ലക്ഷങ്ങളുടെ പണമിടപാട് നടത്തിയതായാണ് കണ്ടെത്തിയത്. ഒരു അങ്കണവാടി ടീച്ചറുടെ അക്കൗണ്ട് വഴി അവരറിയാതെ 80 ലക്ഷം രൂപയുടെ ഇടപാട് നടന്നതായി വിവരങ്ങള്‍ പുറത്തുവന്നത്.
Also Read :
പരസ്യമായാണ് കെ ടി ജലീൽ ഇത്തവണ കൊച്ചിയിലെ ഇഡി ആസ്ഥാനത്ത് എത്തിയത്. ഇന്നലെ രാത്രി തിരുവനന്തപുരത്ത് നിന്നും ട്രെയിനിൽ കൊച്ചിയിലെത്തിയ ജലീൽ പിന്നീട്, എം എൽ എ ബോര്‍ഡ് വച്ച വാഹനം വിളിച്ച് വരുത്തിയാണ് ഇ ഡി ഓഫീസിലേക്ക് എത്തിയത്.
നേരത്തെ മന്ത്രിയായിരിക്കെ സ്വര്‍ണക്കടത്ത് കേസിൽ അതീവ രഹസ്യമായിട്ടായിരുന്നു ഇവിടേക്ക് എത്തിയത്. പുലര്‍ച്ചെ സ്വകാര്യ വാഹനത്തിലായിരുന്നു അദ്ദേഹം കൊച്ചിയിലെ ഇ ഡി ഓഫീസിലേക്ക് എത്തുന്നത്.
