പുതിയ നിരക്ക് അനുസരിച്ച് കാര്‍, ജീപ്പ് അടക്കമുള്ള വാഹനങ്ങള്‍ക്ക് ഒരു ഭാഗത്തേക്ക് 80 രൂപയാക്കി ഉയര്‍ത്തി. നേരത്തെ ഇത് 75 രൂപയായിരുന്നു. ഇരുവശത്തേക്കും പോകുന്നതിന് 120 കൊടുക്കണം. ഇതുവരെ ഡബിൾ സൈഡ് ടോൾ ആയി 110 രൂപയായിരുന്നു നൽകിയിരുന്നത്.
Also Read :
ചരക്ക് വാഹനങ്ങള്‍ക്ക് 140 രൂപയായി ടോള്‍ ഉയര്‍ത്തി. ബസുകള്‍ക്കും ട്രക്കുകള്‍ക്കും 275 രൂപയായി കൂട്ടി.
എറണാകുളം ഇടപ്പള്ളി മുതൽ തൃശൂര്‍ മണ്ണൂത്തി വരെയുള്ള 62 കിലോമീറ്റര്‍ ദൂരത്തിലാണ് പാലിയേക്കരയിൽ ടോൾ പിരിവ് നടത്തുന്നത്. ഏറെ പ്രതിഷേധങ്ങള്‍ക്ക് ഇടവച്ച പ്രദേശമാണ് പാലിയേക്കരയിലെ ടോൾ ബൂത്ത്.
2012 ഫെബ്രുവരി 9 മുതൽ 2021 ഫെബ്രുവരി വരെയുള്ള കണക്കുകള്‍ പരിശോധിക്കുമ്പോള്‍ 888.04 കോടി രൂപയാണ് പാലിയേക്കരയിൽ ടോളായി പിരിച്ചത്. അതേസമയം, നാലുവരിപാതയുടെ നിര്‍മ്മാണത്തിനായി 721 കോടി രൂപയാണ് ചെലവായത് എന്ന് മാതൃഭൂമി പത്രം ജൂണ്‍ 19ന് റിപ്പോർട്ട് ചെയ്ത വാര്‍ത്തയില്‍ പറയുന്നു.
Also Read :
ബിഒടി വ്യവസ്ഥയിൽ 312.54 കോടി എസ്റ്റിമേറ്റിൽ പൂര്‍ത്തിയാക്കാൻ ലക്ഷ്യമിട്ടതായിരുന്നു ഇത് പാലിയേക്കരയിൽ ഒരു ദിവസം ടോളായി ലഭിക്കുന്നത് 37.96 ലക്ഷം രൂപയാണെന്ന് ദേശീയപാതാ അതോറിറ്റിയുടെ വിവരാവകാശ രേഖയെ ഉദ്ധരിച്ച് മാതൃഭൂമി പത്രം റിപ്പോര്‍ട്ട് ചെയ്തിരുന്നു.
എറണാകുളത്തെ പ്രോപ്പര്‍ ചാനൽ എന്ന സംഘടനയുടെ പ്രസിഡന്റ് എം കെ ഹരിദാസാണ് ഇത്തരത്തിൽ വിവരാവകാശം തേടിയത്.
Also Read :
ഇത്തരത്തിൽ 2028 ജൂൺ 21 വരെയാണ് ടോൾ പിരിക്കാൻ അനുമതി നൽകിയിരിക്കുന്നത്. ഗുരുവായൂര്‍ ഇൻഫ്രാസ്ട്രക്ചര്‍ പ്രൈവറ്റ് ലിമിറ്റഡ് കമ്പനിക്കാണ് ടോള്‍ പിരിക്കാനുള്ള അനുമതിയുള്ളത്. ഇതിന്റെ അടിസ്ഥാനത്തിലുള്ള കണക്കുകള്‍ പരിശോധിച്ചാൽ പഴയ കണക്ക് അനുസരിച്ച് 956.59 കോടി രൂപ കൂടി അധികമായി ലഭിക്കും. ഇത്തരത്തിൽ ആകെ 1,844 കോടി രൂപയാണ് കമ്പനിക്ക് ലഭിക്കുക എന്നാണ് മാതൃഭൂമിയുടെ പഴയ റിപ്പോര്‍ട്ടിൽ പറയുന്നത്.
