Also Read :
പരിശോധന ഏറെ രാത്രി ഏറെ വൈകിയും തുടര്‍ന്നു. അതേസമയം, പരിശോധനയിൽ നിര്‍ണായകമായ തെളിവുകള്‍ കണ്ടെത്തിയതായാണ് മാധ്യമ റിപ്പോര്‍ട്ടുകള്‍.
നഗരസഭയിലെ പണക്കിഴി ദൃശ്യങ്ങള്‍ വിജിലന്‍സ് പിടിച്ചെടുത്തു. കൗൺസിലര്‍മാര്‍ കവറുമായി പോകുന്നത് ദൃശ്യങ്ങളില്‍ നിന്നും വ്യാക്തമാകുന്നുണ്ട്. ഇതിന്റെ അടിസ്ഥാനത്തിൽ കൗൺസിലര്‍മാരെ ചോദ്യം ചെയ്യും. നഗരസഭാ അധ്യക്ഷയെ മൊഴിയെടുക്കാൻ നോട്ടീസ് നൽകുമെന്നും മാധ്യമങ്ങള്‍ റിപ്പോര്‍ട്ട് ചെയ്യുന്നു.
സംഭവവുമായി ബന്ധപ്പെട്ട് ചോദ്യം ചെയ്യുന്നതിന് വിജിലൻസ് പല വട്ടം ആവശ്യപ്പെട്ടിട്ടും അജിത തങ്കപ്പൻ ഓഫീസിലേക്ക് എത്തിയിരുന്നില്ല. വ്യക്തിപരമായ തിരക്കുകളാണ് ഇവര്‍ കാരണമായി മറുപടിയിൽ പറഞ്ഞിരുന്നത്.
ഇന്നലെ രാത്രി വിജിലൻസ് എത്തിയപ്പോള്‍ അജിതാ തങ്കപ്പന്റെ ക്യാബിൻ പൂട്ടിയ നിലയിലായിരുന്നു. എന്നാൽ, അകത്ത് ലൈറ്റ് കത്തിയ നിലയിലും എസി ഓണാക്കിയ നിലയിലുമായിരുന്നുവെന്ന് മനോരമ റിപ്പോര്‍ട്ട് ചെയ്യുന്നു. ക്യാബിൻ തുറക്കാനായി ചെയര്‍ പേഴ്സനെ വിളിച്ചെങ്കിലും വരാൻ സാധിക്കില്ലെന്നും വേണമെങ്കിൽ താക്കോൽ കൊടുത്തു വിടാമെന്നുമായിരുന്നു നിലപാട്. പിന്നീട് താക്കോൽ കൊടുത്തു വിടാമെന്നും പറഞ്ഞ് അവര്‍ ഫോൺ സ്വിച്ച് ഓഫ് ചെയ്യുകയുമായിരുന്നു.
താക്കോലിനായി വിജിലന്‍സ് സംഘം ഏറെ നേരം കാത്തു നിന്നെങ്കിലും ഫലമുണ്ടായില്ല. ചെയര്‍പേഴ്സന്റെ മുറിയിലാണ് സിസിടിവിയുടെ സെര്‍വറുള്ളത്. പിന്നീട്, ചെയര്‍പേഴ്സന്റെ ക്യാബിൻ തുറക്കില്ലെന്നായതോടെ മറ്റൊരിടത്തു സ്ഥാപിച്ച വെര്‍വര്‍ ബാക്കപ്പിലൂടെ ദൃശ്യങ്ങള്‍ എടുക്കാൻ ശ്രമങ്ങള്‍ തുടങ്ങുകയായിരുന്നു. പ്രാഥമിക അന്വേഷണത്തിന് ശേഷം മാത്രമേ കേസ് എടുക്കണോ വേണ്ടയോ എന്ന് തീരുമാനിക്കാൻ സാധിക്കു.
Also Read :
തൃക്കാക്കരയിൽ ഓണക്കോടിയോടൊപ്പം കൗൺസിലർമാർക്ക് പണം നൽകിയ നഗരസഭാധ്യക്ഷയുടെ നടപടിയാണ് വിവാദമായത്. ഓണപ്പുടവയോടൊപ്പം കൗൺസിലർമാർക്ക് കവറിൽ 10,000 രൂപയാണ് അജിത തങ്കപ്പൻ സമ്മാനിച്ചത്. കൗൺസിലർമാരിൽ ചിലർ കവർ തിരിച്ച് നൽകി വിജിലൻസിൽ പരാതി നൽകി. ഇതോടെയാണ് സംഭവം പുറത്തായത്.
