സംഗീതം വേണ്ട, 
സ്ത്രീകള്‍ ഒറ്റയ്ക്ക് പുറത്തിറങ്ങേണ്ട : താലിബാൻ വക്താവ് സബീഹുള്ള മുജാഹിദ്

കാബൂൾ
അഫ്​ഗാനിൽ സം​ഗീതം നിരോധിച്ചെന്നും സ്ത്രീകൾ ആൺതുണയില്ലാതെ ദീർഘദൂര യാത്ര പോകരുതെന്നും താലിബാൻ വക്താവ് സബീഹുള്ള മുജാഹിദ് പറഞ്ഞു. അതേസമയം ആശുപത്രിയിലോ, ഓഫീസിലോ, വിദ്യാഭ്യാസ സ്ഥാപനത്തിലോ പോകുന്നവർക്ക് ആൺതുണ ആവശ്യമില്ലെന്നും ന്യൂയോർക്ക് ടൈംസിന് നൽകിയ അഭിമുഖത്തിൽ സബീഹുള്ള പറഞ്ഞു.”സ്ത്രീകളോട് എങ്ങനെ പെരുമാറണം’ എന്ന് താലിബാൻകാർക്ക് പരിശീലനം നൽകുന്നതുവരെ സ്ത്രീകള് വീട്ടിൽ തുടരണം. ഭാവിയിൽ താലിബാൻ സ്ത്രീകളെ ജോലിക്ക് പോകാൻ അനുവദിക്കും, സബീഹുള്ള പറഞ്ഞു.