തേഞ്ഞിപ്പലം> ആത്മീയ ചികിത്സയുടെ മറവില് യുവതിയെ ലൈംഗികാതിക്രമത്തിന് ഇരയാക്കിയെന്ന പരാതിയില് യുവാവ് പിടിയിൽ. തേഞ്ഞിപ്പലം വൈക്കത്ത് പാടത്ത് മുഹമ്മദ് റഫീഖി (റഫീഖ് അഹ്സനി –-36)നെയാണ് തേഞ്ഞിപ്പലം പൊലീസ് അറസ്റ്റ് ചെയ്തത്. കഴിഞ്ഞ 14നായിരുന്നു സംഭവം.
ഭര്ത്താവിനൊപ്പം ചികിത്സക്കെത്തിയ ഇരുപത്തേഴുകാരിയെ റഫീഖ് അഹ്സനിയുടെ വീടിനോട് ചേര്ന്നുള്ള ചികിത്സാകേന്ദ്രത്തില്വച്ച് ലൈംഗികമായി പീഡിപ്പിക്കാൻ ശ്രമിച്ചെന്നാണ് പരാതി. ഇരുട്ടുമുറിയിലായിരുന്നു ചികിത്സ. ഭാര്യയും അഞ്ച് മക്കളുമുള്ളയാളാണ് പ്രതി.
