ന്യൂഡൽഹി > ആഭ്യന്തരയാത്ര മാനദണ്ഡങ്ങൾ കേന്ദ്ര സർക്കാർ പുതുക്കി. രണ്ട് ഡോസ് വാക്സിൻ എടുത്ത് പതിനഞ്ച് ദിവസം കഴിഞ്ഞ കോവിഡ് ലക്ഷണങ്ങൾ ഇല്ലാത്തവർക്ക് ഇനി മുതൽ രാജ്യത്ത് യാത്ര ചെയ്യാൻ ആർടിപിസിആർ സർട്ടിഫിക്കറ്റ് വേണ്ട.
അന്തർ സംസ്ഥാന യാത്രകൾക്ക് വിവിധ സംസ്ഥാനങ്ങൾ പല മാനദണ്ഡങ്ങളും നിശ്ചയിച്ചിരുന്നു. ഇതേ തുടർന്നാണ് ഇവ ഏകീകരിക്കാൻ കേന്ദ്രസർക്കാർ തീരുമാനിച്ചത്. ആഭ്യന്തര യാത്രകള്ക്ക് വിലക്ക് ഏര്പ്പെടുത്തരുതെന്നും സംസ്ഥാനങ്ങളോട് നിര്ദേശിച്ചിട്ടുണ്ട്. വിമാനയാത്രകൾക്ക് പിപിഇ കിറ്റ് ധരിക്കേണ്ടെന്നും പുതിയ മാർഗ നിദേശത്തിൽ പറയുന്നു. ആഭ്യന്തര വിമാനയാത്രകൾക്ക് നേരത്തെ മൂന്നു സീറ്റുകളുള്ള നിരയില് നടുവില് ഇരിക്കുന്നയാൾ പിപിഇ കിറ്റ് ധരിക്കണമെന്ന നിബന്ധനയുണ്ടായിരുന്നു.
