കൊച്ചി> സിനിമ നിര്മ്മാതാവും പാചക വിദഗ്ധനുമായ നൗഷാദ് അതീവ ഗുരുതരാവസ്ഥയില്. തിരുവല്ലയിലെ സ്വകാര്യ ആശുപത്രിയില് വെന്റിലേറ്ററിലാണിപ്പോഴുള്ളത്. നൗഷാദിന്റെ സുഹൃത്തും നിര്മ്മാതാവുമായ നൗഷാദ് ആലത്തൂര് ഫെയ്സ്ബുക് പോസ്റ്റിലാണ് വിവിരം അറിയിച്ചത്.
‘‘എന്റെ പ്രിയ സുഹൃത്ത് ഷെഫും പ്രൊഡ്യൂസറും ആയ നൗഷാദിന്റെ ആരോഗ്യനില വളരെ ഗുരുതരമാണ് ഇപ്പോള് തിരുവല്ല ഹോസ്പിറ്റലില് വെന്റിലേറ്ററിൽ ആണ് . അദ്ദേഹത്തിനു വേണ്ടി നമുക്കെല്ലാവര്ക്കും പ്രാര്ത്ഥിക്കാം. രണ്ടാഴ്ച മുമ്പാണ് അദ്ദേഹത്തിന്റെ ഭാര്യ നമ്മളെല്ലാം വിട്ടുപിരിഞ്ഞുപോയത്. ഒരു മകള് മാത്രമാണ് ഇവര്ക്കുള്ളത്” നൗഷാദ് ഫേസ്ബുക്കില് പറയുന്നു. കാഴ്ച, ചട്ടമ്പിനാട്, സ്പാനിഷ് മസാല, വര്ഗം എന്നീ സിനിമകളുടെ നിര്മ്മാതാവാണ് നൗഷാദ്.
