‘കോൺഗ്രസ് പാര്‍ട്ടിക്കായി ജീവിതം ഹോമിച്ച ഉമ്മൻ ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രൻ, വി എം സുധീരൻ എന്നീ മുതിര്‍ന്ന നേതാക്കളെ അവഗണിക്കുന്ന വിഡി സതീശന്റെ പൊയ്മുഖം തിരിച്ചറിയുക’ എന്ന പോസ്റ്ററും ഇക്കൂട്ടത്തിൽ ഉയര്‍ന്ന് വന്നിട്ടുണ്ട്.
‘ഗ്രൂപ്പില്ലാ എന്ന് കള്ളം പറഞ്ഞ് ഗ്രൂപ്പ് കളിക്കുന്ന വി ഡി സതീശന്റെ കോൺഗ്രസ് വഞ്ചന ജനം തിരിച്ചറിയുക’, ‘ജില്ലയിൽ കോൺഗ്രസിന്റെ സീറ്റുകൾ നഷ്ടപ്പെട്ടാലും വേണ്ടില്ല. തന്റെ ഗ്രൂപ്പുകാരന്‍ തന്നെ ജില്ല കോൺഗ്രസ് പ്രസിഡന്റ് ആകണമെന്നുള്ള വി ഡി സതീശന്റെ പിടിവാശിയും മര്‍ക്കട മുഷ്ടിയും അവസാനിപ്പിക്കുക’, മുതിർന്ന നേതാക്കളെ അവഗണിക്കുന്ന സതീശന്റെ പൊയ്മുഖം തിരിച്ചറിയുക. സതീശന്‍ പുത്തൻ ഗ്രൂപ്പുണ്ടാക്കുന്നു എന്നെല്ലാമുള്ള പോസ്റ്ററുകള്‍ വരുന്നത്.
ഡി സി സി അധ്യക്ഷ പട്ടിക പ്രഖ്യാപിക്കുന്നതിനന് മുൻപുള്ള നിര്‍ണായക ചര്‍ച്ച ഇന്ന് ഡൽഹിയിൽ നടക്കും. കെ പി സി സി അധ്യക്ഷൻ കെ സുധാകരൻ സംസ്ഥാനത്തിന്റെ ചുമതലയുള്ള ജനറൽ സെക്രട്ടറി താരിഖ് അൻവറുമായും എഐസിസി സംഘടന ജനറൽ സെക്രട്ടറി കെ സി വേണുഗോപാലുമായും കൂടിക്കാഴ്ച നടത്തും.
ഡി സി സി പുനസംഘടനയിൽ ഇന്ന് അന്തിമ രൂപമുണ്ടാകും. പാലക്കാട്, ആലപ്പുഴ, കൊല്ലം ജില്ലകളില്‍ ഒഴികെ മറ്റ് ജില്ലകളില്‍ എല്ലായിടത്തും ഒരു പേരിലേക്ക് എത്താൻ സാധിച്ചിട്ടുണ്ട്. ചുരുക്ക പട്ടിക നേരത്തെ ഹൈക്കമാന്‍ഡിന് കൈമാറിയിരുന്നെങ്കിലും മുതിർന്ന നേതാക്കള്‍ കലാപക്കൊടി ഉയര്‍ത്തിയതോടെയാണ് അനിശ്ചിതത്വത്തിൽ എത്തിയിരിക്കുന്നത്.
