തിരുവനന്തപുരം: സംസ്ഥാനത്ത് വാക്സിനേഷൻ യജ്ഞത്തിന്റെ ഭാഗമായി ഇന്ന് 4,29,618 പേർക്ക് വാക്സിൻ നൽകിയതായി ആരോഗ്യ വകുപ്പ് മന്ത്രി . 1,170 സർക്കാർ കേന്ദ്രങ്ങളിലും 343 സ്വകാര്യ കേന്ദ്രങ്ങളിലും ഉൾപ്പെടെ 1513 വാക്സിനേഷൻ കേന്ദ്രങ്ങൾ വഴിയാണ് കുത്തിവെപ്പ് നൽകിയത്.
ഇതുവരെ സംസ്ഥാനത്ത് ഒന്നും രണ്ടും ഡോസ് ഉൾപ്പെടെ 2,62,33,752 പേർക്ക് വാക്സിൻ നൽകി. 1,92,89,777 പേർക്ക് ഒന്നാം ഡോസും 69,43,975 പേർക്ക് രണ്ടാം ഡോസും നൽകി.
2021-ലെ പ്രൊജക്ടഡ് പോപ്പുലേഷനായ 3.54 കോടി അനുസരിച്ച് 54.49 ശതമാനം പേര്ക്ക് ഒന്നാം ഡോസും 19.62 ശതമാനം പേര്ക്ക് രണ്ടാം ഡോസും നല്‍കി. 18 വയസിന് മുകളിലുള്ള ജനസംഖ്യയനുസരിച്ച് 67.21 ശതമാനം പേര്ക്ക് ഒന്നാം ഡോസും 24.20 ശതമാനം പേര്ക്ക് രണ്ടാം ഡോസും നല്‍കിയിട്ടുണ്ട്, മന്ത്രി അറിയിച്ചു.
സംസ്ഥാനത്തെ സിറിഞ്ച് ക്ഷാമത്തിന് താത്കാലിക പരിഹാരമായെന്നും മന്ത്രി വ്യക്തമാക്കി. കഴിഞ്ഞ ദിവസങ്ങളിൽ ചെന്നൈയിൽ നിന്നും 15 ലക്ഷം സിറിഞ്ചുകളും മുംബൈയിൽ നിന്നും 5 ലക്ഷം സിറിഞ്ചും ലഭ്യമായിട്ടുണ്ടെന്നും മന്ത്രി അറിയിച്ചു.
