പ്രതിപക്ഷ നേതാവും കെപിസിസി അധ്യക്ഷനും തമ്മിലാണ് ഇന്ന് പ്രധാനമായും ചര്‍ച്ചകള്‍ നടക്കുന്നത്. നാലു ജില്ലകളിലാണ് നിലവിൽ ഒന്നിലധികം പേരുകള്‍ പരിഗണനയിലുള്ളത്. തിരുവനന്തപുരം ഡിസിസി അധ്യക്ഷസ്ഥാനത്തേയ്ക്ക് ശശി തരൂരിൻ്റെ നോമിനിയായ ജെഎസ് ബാബു, കെഎസ് ശബരിനാഥൻ, ആര്‍വി രാജേഷ്, പാലോട് രവി എന്നിവരുടെ പേരുകളാണ് പരിഗണനയിലുള്ളത്. കൊല്ലം ജില്ലയിൽ നിന്ന് രാജേന്ദ്ര പ്രസാദ്, എംഎം നസീര്‍ എന്നിവരുടെ പേരുകളും കോട്ടയം ജില്ലയിൽ നാട്ടകം സുരേഷ്, ജോമോൻ ഐക്കര, യൂജിൻ തോമസ് എന്നിവരുടെ പേരുകളും പരിഗണിക്കുന്നു. വിഎസ് ജോയിയുടെയും ആര്യാടൻ ഷൗക്കത്തിൻ്റെയും പേരുകളാണ് മലപ്പുറം ജില്ലയിൽ നിന്ന് ഡിസിസി അധ്യക്ഷ സ്ഥാനത്തേയ്ക്ക് പരിഗണിക്കുന്നത്.
Also Read:
നിലവിൽ മറ്റു ജില്ലകളിൽ ഓരോ പേരുകള്‍ മാത്രമാണ് പരിഗണനയിൽ ഉള്ളതെങ്കിലും ഈ പട്ടിക ഒരു പേരിലേയ്ക്ക് ചുരുക്കുമ്പോള്‍ മറ്റു ജില്ലകളിലെ പേരുകളിലു വ്യത്യാസം വരാൻ ഇടയുണ്ടെന്നാണ് റിപ്പോര്‍ട്ടുകള്‍. കൂടാതെ സാമുദായിക സമവാക്യങ്ങളും സ്ത്രീപ്രാതിനിധ്യവും പട്ടികയിൽ നിര്‍ണായകമാണ്.
Also Read:
പട്ടിക ഹൈക്കമാൻഡിനു നല്‍കിയിട്ടുണ്ടെങ്കിലും കൂടുതൽ യുവാക്കള്‍ക്ക് പരിഗണന നല്‍കണമെന്നാണ് ഹൈക്കമാൻഡ് ആവശ്യപ്പെട്ടിട്ടുള്ളത്. ഇക്കാര്യത്തിൽ അന്തിമ ചര്‍ച്ച നടത്തി തീരുമാനമെടുക്കാനാണ് ഇന്ന് നേതാക്കളുടെ ഡൽഹി യാത്ര.
