ഇരിങ്ങാലക്കുട ഔട്ട്‌ലെറ്റാണ് മദ്യവിൽപ്പനയിൽ രണ്ടാമത് എത്തിയത്. 96 ലക്ഷം രൂപയുടെ മദ്യമാണ് ഇവിടെ വിറ്റത്. സംസ്ഥാനത്തെ 260 ഔട്ട്‌ലെറ്റുകൾ വഴിയാണ് ഇത്തവണ മദ്യ വിൽപ്പന നടന്നത്. അതേസമയം, കൊവിഡ്-19 കേസുകൾ മൂലം പ്രാദേശിക നിയന്ത്രണങ്ങൾ നിലനിന്ന പ്രദേശങ്ങളിലെ അഞ്ച് ഔട്ട്‌ലെടുകൾ തുറന്ന് പ്രവർത്തിച്ചിരുന്നില്ല.
കൊവിഡ് നിയന്ത്രണങ്ങൾക്കിടെയിലും സംസ്ഥാനത്ത് ഏറ്റവുമധികം വിൽപ്പന നടന്നത് ബ്രാൻ്റിയാണ്. സംസ്ഥാനത്തെ ബെവ്ക്കോയിലും ബാറിലുമായി 105 കോടിയുടെ മദ്യ വിൽപ്പന നടന്നു. 75 ശതമാനം വിൽപ്പനയും ബെവ്കോ മുഖേനെയാണ് നടന്നത്. 10 ലക്ഷത്തിൻറെ മദ്യമാണ് ഓണ്‍ലൈൻ വഴി വിറ്റത്.
കൊവിഡ് നിയന്ത്രണങ്ങൾ പാലിച്ചാണ് സംസ്ഥാനത്തെ മദ്യ വിൽപ്പന ശാലകൾ തുറന്ന് പ്രവർത്തിച്ചത്. തിരുവോണ ദിവസമായ ശനിയാഴ്ച മദ്യ വിൽപ്പന ശാലകൾ തുറന്ന് പ്രവർത്തിച്ചിരുന്നിരുന്നില്ല. തിരക്ക് വർധിക്കാനുള്ള സാധ്യത കണക്കിലെടുത്ത് എക്സൈസ് കമ്മീഷണറാണ് ഇക്കാര്യത്തിൽ തീരുമാനമെടുത്തത്.
