മാഡ്രിഡ്
മുന്നേറ്റക്കാരൻ മെംഫിസ് ഡിപെ ബാഴ്സലോണയെ കാത്തു. ഈ ഡച്ചുകാരന്റെ ഗോളിൽ സ്പാനിഷ് ലീഗ് ഫുട്ബോളിൽ ബാഴ്സ അത്–ലറ്റിക് ബിൽബാവോയോട് സമനിലയുമായി രക്ഷപ്പെട്ടു (1–1). ഇടവേളയ്ക്കുമുമ്പ് റൊണാൾഡ് അരൗവോ ബിൽബാവോ വലകുലുക്കിയെങ്കിലും മാർട്ടിൻ ബ്രയ്–ത്–വെെറ്റിന്റെ ഫൗൾ ഗോൾ നിഷേധിച്ചു. ജെറാർഡ് പിക്വ പരിക്കേറ്റു മടങ്ങിയതും ബാഴ്സയ്ക്ക് തിരിച്ചടിയായി.
രണ്ടാംപകുതിയുടെ തുടക്കം ഇനിഗോ മാർട്ടിനെസാണ് ബിൽബാവോയെ മുന്നിലെത്തിച്ചത്. കളി തീരാൻ 15 മിനിറ്റ് ബാക്കിനിൽക്കെ ഡിപെ ബാഴ്സയെ ഒപ്പമെത്തിച്ചു. കളിയവസാനം എറിക് ഗാർഷ്യ ചുവപ്പുകാർഡ് കണ്ട് മടങ്ങിയതോടെ 10 പേരുമായാണ് ബാഴ്സ കളി പൂർത്തിയാക്കിയത്.
