ലണ്ടൻ
ഇംഗ്ലീഷ് പ്രീമിയർ ലീഗ് ഫുട്ബോളിൽ കരുത്തരുടെ പോരിൽ ചെൽസി. അഴ്സണലിനെ രണ്ട് ഗോളിന് വീഴ്ത്തി. ഈ സീസണിൽ ടീമിലെത്തിച്ച റൊമേലു ലുക്കാക്കു ചെൽസിക്കായി ആദ്യ കളിയിൽത്തന്നെ ഗോളടിച്ചു. റീസെ ജയിംസ് മറ്റൊന്ന് നേടി.
ചാമ്പ്യൻമാരായ മാഞ്ചസ്റ്റർ സിറ്റി നോർവിച്ച് സിറ്റിയെ തകർത്തു (5–0). മാഞ്ചസ്റ്റർ യുണെെറ്റഡിനെ സതാംപ്ടൺ തളച്ചു (1–1). ടോട്ടനം ഹോട്സ്പർ വൂൾവറാംപ്ടൺ വാണ്ടറേഴ്സിനെ ഒരുഗോളിന് തോൽപ്പിച്ചു. ലിവർപൂൾ ബേൺലിയെ 2–0ന് മറികടന്നു.
