കാബൂള്
സാധാരണഗതിയില് പരമ്പരാഗത വസ്ത്രങ്ങളണിഞ്ഞ് എകെ 47 തോക്കുകളുമായി കാണപ്പെടുന്ന താലിബാന്കാര് യുഎസ് സൈനികരുടെ വേഷത്തില് പരിശോധന നടത്തുന്നതായി റിപ്പോര്ട്ട്.
വിമാനത്താവളത്തിലേക്ക് പോകുന്ന യാത്രക്കാരെ ഉള്പ്പെടെ നിരീക്ഷിക്കുന്നതിനായി അഫ്ഗാൻ സേനയിൽനിന്ന് പിടിച്ചെടുത്ത യൂണിഫോമും ആയുധങ്ങളും ധരിച്ച് താലിബാന്കാര് വിവിധയിടങ്ങളില് പരിശോധന നടത്തുന്നതായി വാര്ത്ത പുറത്തുവന്നിട്ടുണ്ട്. അത്യാധുനിക ആയുധങ്ങളും ബുള്ളറ്റ് പ്രൂഫ് വസ്ത്രങ്ങളും നൈറ്റ് വിഷൻ കണ്ണടകളും ധരിച്ച താലിബാന്കാരുടെ വീഡിയോദൃശ്യങ്ങളും പുറത്തുവന്നിട്ടുണ്ട്.
