ലണ്ടനിൽനിന്ന് നേരിട്ടുള്ള 
ആദ്യ വിമാനം എത്തി

നെടുമ്പാശേരി
യൂറോപ്പിലെ പ്രവാസികൾക്ക് ആശ്വാസമായി ലണ്ടനിൽനിന്ന് കൊച്ചിയിലേക്ക് നേരിട്ടുള്ള വിമാനം സർവീസ് ആരംഭിച്ചു. ലണ്ടനിൽനിന്നുള്ള എയർ ഇന്ത്യ ഡ്രീംലൈനർ വിമാനം 221 യാത്രക്കാരുമായി ബുധൻ പുലർച്ചെ 3.20ന് കൊച്ചിയിൽ ഇറങ്ങി. 5.57ന് 235 യാത്രക്കാരുമായി ലണ്ടനിലേക്ക് മടങ്ങി. ആഗസ്ത് 22 മുതൽ ഞായർ, ബുധൻ, വെള്ളി ദിവസങ്ങളിൽ കൊച്ചിയിൽനിന്ന് നേരിട്ടുള്ള ലണ്ടൻ സർവീസുകളുണ്ടാകും. കേരളത്തിൽ നെടുമ്പാശേരിയിൽനിന്നാണ് ആദ്യമായി ലണ്ടനിലേക്ക് നേരിട്ട് സർവീസ് ആരംഭിക്കുന്നത്.