മലപ്പുറം: ഹരിത മുസ്ലിം ലീഗിന്റെ പോഷക സംഘടനയല്ലെന്ന് വനിതാ ലീഗ് ദേശീയ ജനറൽ സെക്രട്ടറി . ഹരിത ക്യംപസ് പ്രവർത്തനത്തിനു വേണ്ടി രൂപീകരിച്ച താൽക്കാലിക സംഘടനയാണെന്ന് നൂർബിന പറഞ്ഞു.
ഹരിത ലീഗിന് നൽകിയ പരാതിയെക്കുറിച്ച് അറിയില്ല. ലൈംഗിക അധിക്ഷേപം നേരിട്ട ഹരിത പ്രവർത്തകർ പരാതി നൽകാൻ വൈകിയത് എന്താണെന്ന് നൂർബിന ചോദിച്ചു. ലൈംഗികാധിക്ഷേപം ആര് നടത്തിയാലും ഉടൻ പ്രതികരിക്കണമെന്നും നടപടി വേഗത്തിൽ സ്വീകരിക്കണമെന്നും അവർ വ്യക്തമാക്കി.
അതേസമയം, മുസ്ലിം ലീഗിന്റെ വനിതാ വിദ്യാർത്ഥി സംഘടനയായ ഹരിതയെ മരവിപ്പിച്ചതിൽ വിഷമമുണ്ടെന്ന് എംഎസ്എഫ് ദേശീയ വൈസ് പ്രസിഡന്റ് ഫാത്തിമ തഹ്ലിയ. തങ്ങൾ വ്യക്തിപരമായും കുടുംബപരമായും വേട്ടയാടപ്പെടുകയാണെന്നും അവർ പറഞ്ഞു. ഔദ്യോഗികമായും വ്യക്തിപരമായും പ്രശ്നം പരിഹരിക്കാൻ നേതാക്കളോട് ആവശ്യപ്പെട്ടതാണ്. അത് നടക്കാതെ വന്നതോടെയാണ് വനിതാ കമ്മീഷനെ സമീപിച്ചതെന്നും അവർ പറഞ്ഞു.
