കൊച്ചി: കാസർഗോഡ് ജില്ലയിൽ ഐഎൻഎൽ അംഗത്വ വിതരണോദ്ഘാടനത്തിനിടെ ഏറ്റുമുട്ടി പ്രവർത്തകർ. കാസിം ഇരിക്കൂർ-അബ്ദുൾ വഹാബ് പക്ഷക്കാർ തമ്മിലാണ് വാക്കേറ്റവും ഉന്തും തള്ളും ഉണ്ടായത്. ഇതേത്തുടർന്ന് അബ്ദുൾ വഹാബ് പക്ഷത്തെ പിന്തുണയ്ക്കുന്നവരെ പുറത്താക്കിയ ശേഷം പരിപാടി തുടർന്നു.
സസ്ഥാന തലത്തിൽ സമവായ നീക്കങ്ങൾ നടക്കുന്നതിനിടെ അംഗത്വ വിതരണം നടത്തുന്നത് അംഗീകരിക്കാൻ സാധിക്കില്ലെന്നാണ് അബ്ദുൾ വഹാബ് പക്ഷം ചൂണ്ടിക്കാട്ടിയത്. ഇതോടെയാണ് വാക്ക് തർക്കം ഉണ്ടായത്.
വാക്ക് തർക്കം മൂത്തതോടെ അബ്ദുൾ വഹാബ് പക്ഷത്തെ കാസിം ഇരിക്കൂർ വിഭാഗം ബലം പ്രയോഗിച്ച് യോഗസ്ഥലത്തു നിന്നും പുറത്താക്കി. പാർട്ടി ഒന്നിച്ചു മുന്നോട്ടു പോകുന്നതിനെ എതിർക്കുന്നവരാണ് പ്രശ്നം ഉണ്ടാക്കിയതെന്ന് അബ്ദുൾ വഹാബ് പക്ഷം ആരോപിച്ചു. പാർട്ടിയുമായി ബന്ധമില്ലാത്തവരാണ് പ്രശ്നം ഉണ്ടാക്കിയതെന്ന് കാസിം ഇരിക്കൂർ വിഭാഗം പറയുന്നു. അബ്ദുൾ വഹാബ് പക്ഷത്തെ പുറത്താക്കിയ ശേഷമാണ് പരിപാടി തുടർന്നത്.
