മനാമ
സൗദിയിൽ ആഭ്യന്തര വിമാന യാത്രയ്ക്ക് അടുത്ത മാസംമുതൽ കോവിഡ് വാക്സിൻ നിർബന്ധമാക്കി. സെപ്തംബർമുതൽ ആഭ്യന്തര വിമാന യാത്ര രണ്ട് ഡോസ് വാക്സിനെടുത്തവര്ക്ക് മാത്രമെന്ന് സൗദി സിവിൽ ഏവിയേഷൻ അറിയിച്ചു.
ഇടവിട്ടുള്ള സീറ്റുകൾ ഒഴിച്ചിടുന്നത് ഒഴിവാക്കും. യാത്രക്കാർ പൂർണമായും കുത്തിവയ്പ് എടുത്തവരാണെന്ന് എയർലൈൻസുകൾ ഉറപ്പുവരുത്തണം. 12 വയസ്സിനു താഴെയുള്ളവർ വാക്സിന് എടുക്കണമെന്നില്ല. ആരോഗ്യ പ്രശ്നമുള്ളവരെയും ഒഴിവാക്കി.
