പള്ളിക്ക് ആവശ്യമായ സുരക്ഷയൊരുക്കാൻ ജില്ലാ പോലീസ് മേധാവിക്കും ജില്ലാ കളക്ടർക്കും കോടതി നിർദേശം നൽകി. പള്ളി ഓർത്തഡോക്സ് വിഭാഗത്തിന് കൈമാറണമെന്ന് വ്യക്തമാക്കിയ കോടതി ആറാഴ്ചയ്ക്കുള്ളിൽ ഉത്തരവ് നടപ്പാക്കണമെന്ന് പറഞ്ഞു. കോടതി ഉത്തരവ് നടപ്പാക്കുന്നതിന് സംസ്ഥാന പോലീസ് മേധാവി മേൽനോട്ടം വഹിക്കണമെന്ന കർശന നിർദേശവും കോടതിയുടെ ഭാഗത്ത് നിന്നുമുണ്ടായി.
പള്ളി കൈമാറുന്നതുമായി ബന്ധപ്പെട്ട് ഏതെങ്കിലും തരത്തിലുള്ള പ്രശ്നങ്ങൾ ഉണ്ടാക്കുന്നവർക്കെതിരെ പോലീസ് കർശന നടപടി സ്വീകരിക്കണമെന്നും ഹൈക്കോടതി പറഞ്ഞു. പള്ളിക്ക് പോലീസ് സംരക്ഷണമേർപ്പെടുത്താനുള്ള സിവിൽ കോടതി ഉത്തരവ് നടപ്പാക്കാത്തതിനെ തുടർന്നായിരുന്നു കോടതിയുടെ ഭാഗത്ത് നിന്നും രൂക്ഷമായ വിമർശനം ഉണ്ടായത്.
അതേസമയം, എറണാകുളം അങ്കമാലി അതിരൂപതയിലെ വിവാദമായ ഭൂമിയിടപാട് കേസിൽ കര്‍ദിനാള്‍ മാര്‍ ജോര്‍ജ് ആലഞ്ചേരി വിചാരണ നേരിടണമെന്ന് കേരള ഹൈക്കോടതി വ്യക്തമാക്കി. കേസിൽ ജില്ലാ സെഷൻസ് കോടതിയുടെ ഉത്തരവാണ് ഹൈക്കോടതി ശരിവെച്ചത്. കേസുമായി ബന്ധപ്പെട്ട് കര്‍ദിനാള്‍ വിഭാഗം നല്‍കിയ ആറു ഹര്‍ജികളും കോടതി തള്ളി. ഭൂമി ഇപടപാടുമയി ബന്ധപ്പെട്ട് എട്ടു കേസുകളാണ് മൊത്തം രജിസ്റ്റര്‍ ചെയ്തിട്ടുള്ളത്.
