കൊച്ചി: കൊവിഡ് നിയന്ത്രണങ്ങളെത്തുടർന്ന് അടച്ചിട്ടിരിക്കുന്ന തിയേറ്ററുകൾ തുറക്കാൻ ഡിസംബറാകുമെന്ന് സിനിമാ സാംസ്കാരിക വകുപ്പ് മന്ത്രി . പ്രതിദിന കൊവിഡ് രോഗികളുടെ കണക്ക് ആശങ്കയോടെയാണ് കാണുന്നതെന്നും അദ്ദേഹം പറഞ്ഞു.
കൊവിഡ് മരണങ്ങൾ കൂടിവരുന്നത് സാഹചര്യം ജാഗ്രതയോടെ എടുക്കണം. അടുത്ത നാല് മാസത്തേക്കു കൂടി തിയേറ്റർ തുറക്കുന്നത് പ്രതിസന്ധി സൃഷ്ടിക്കുമെന്നും അദ്ദേഹം പറഞ്ഞു, റിപ്പോർട്ടർ ലൈവ് റിപ്പോർട്ട് ചെയ്തു.
ഓണാഘോഷം കഴിയുമ്പോൾ കൊവിഡ് വ്യാപന തോത് എപ്രകാരമായിരിക്കുമെന്ന് പറയാൻ സാധിക്കില്ല. ഡിസംബർ ആകുമ്പോൾ തിയേറ്റർ തുറക്കുന്നത് പരിഗണിക്കുമെന്നും അദ്ദേഹം പറഞ്ഞു.
കൊവിഡ് മരണങ്ങൾ വർദ്ധിക്കുന്ന സാഹചര്യത്തിൽ രോഗം വരാതിരിക്കാനുള്ള ശ്രമങ്ങളിലേക്കാണ് നാം കടക്കേണ്ടതെന്നും മന്ത്രി വ്യക്തമാക്കി. അതിനാൽ തിയേറ്റർ തുറക്കുന്ന വിഷയം ജാഗ്രതയോടെ മാത്രമേ കൈകാര്യം ചെയ്യാൻ സാധിക്കൂ എന്നും അദ്ദേഹം പറഞ്ഞു.
