കൊച്ചി > നടിയെ ആക്രമിച്ച് ദൃശ്യങ്ങൾ ചിത്രീകരിച്ച കേസിലെ എട്ടാംപ്രതി നടൻ ദിലീപിന്റെ ഭാര്യയും 34 –-ാംസാക്ഷിയുമായ കാവ്യാമാധവനെ ബുധനാഴ്ചയും ക്രോസ് വിസ്താരം നടത്തി. കാവ്യാമാധവൻ കൂറുമാറിയതായി ചൊവ്വാഴ്ച വിസ്താരത്തിനുശേഷം വിചാരണക്കോടതി പ്രഖ്യാപിച്ചിരുന്നു.
കേസിൽ കൂറുമാറിയവരുടെ എണ്ണം ഇതോടെ അഞ്ചായി. താരസംഘടനയായ അമ്മയുടെ ജനറൽ സെക്രട്ടറി ഇടവേള ബാബു, നടി ഭാമ, നടി ബിന്ദു പണിക്കർ, നടൻ സിദ്ദിഖ് എന്നിവരാണ് നേരത്തേ കൂറുമാറിയത്.
