രൂപമാറ്റം വരുത്തിയ ഫോഴ്സ് ട്രാവലര്‍ വാഹനത്തിൽ നിയമവിരുദ്ധമായി ലൈറ്റുകളും ഹോണും സൈറണും ഘടിപ്പിച്ചിട്ടുണ്ടെന്നും 1988ലെ മോട്ടോര്‍ വാഹന നമയമവും കേരള മോട്ടോര്‍ വാഹന നികുതി നിയമവും ഇരുവരും ലംഘിച്ചിട്ടുണ്ടെന്നുമാണ് കുറ്രപത്രത്തിൽ പറയുന്നത്. തലശ്ശേരി അഡീഷണൽ സെഷൻസ് കോടതിയിൽ കുറ്റപത്രം സമര്‍പ്പിക്കുന്നതോടെ വാഹനം കോടതിയുടെ അധീനതയിലാകും.
Also Read:
കണ്ണൂർ: ആർ.ടി.ഒ ഓഫീസിൽ പ്രശ്നങ്ങളുണ്ടാക്കിയതിന്റെ പേരിൽ അറസ്റ്റ് ചെയ്ത ഇ ബുൾ ജെറ്റ് വ്ലോഗർമാർക്കെതിരെ ആർ.ടി.ഒയുടെ കുറ്റപത്രം. ഇവർ ഉപയോഗിക്കുന്ന വാഹനം അപകടം വരുത്തിവെക്കുന്ന രീതിയിൽ രൂപമാറ്റം നടത്തിയെന്നാണ് കുറ്റപത്രത്തിൽ വ്യക്തമാക്കുന്നത്. വാഹനത്തിൽ നിയമവിരുദ്ധമായി ലൈറ്റ്, ഹോൺ, സൈറൺ എന്നിവ ഘടിപ്പിച്ചുവെന്നും ഇത് നിയമലംഘനമാണെന്നും കുറ്റപത്രത്തിൽ വ്യക്തമാക്കുന്നു.
വാഹനത്തിൽ രൂപമാറ്റം വരുത്തിയതിനു പുറമെ പൊതുജനങ്ങള്‍ക്ക് അപകടകരമാകുന്ന തരത്തിൽ ലൈറ്റുകളും ഹോണുകളും ഘടിപ്പിച്ചെന്നും ഇതുപയോഗിച്ച് യാത്ര ചെയ്തെന്നും കുറ്റപത്രത്തിൽ വ്യക്തമാക്കുന്നുണ്ട്. കൂടാതെ അധികമായി എൽഇഡി ലൈറ്റുകള്‍ ഘടിപ്പിച്ചതിനും കേസുണ്ട്. വാഹനത്തിൽ രൂപമാറ്റം വരുത്തിയതിനു ശേഷം നിയമപ്രകാരം അടയ്ക്കേണ്ട നികുതി അടച്ചിട്ടില്ലെന്നും ആര്‍ടിഓയുടെ കുറ്റപത്രത്തിൽ വ്യക്തമാക്കുന്നു.
Also Read:
വാഹനം പിടിച്ചെടുത്തിതനു പുറമെ വാഹനത്തിന് റോഡിലിറങ്ങാനുള്ള അനുമതിയും മോട്ടോര്‍ വാഹനവകുപ്പ് റദ്ദാക്കിയിട്ടുണ്ടെന്നാണ് റിപ്പോര്‍ട്ടുകള്‍. ഇതുസംബന്ധിച്ച് ഏഴു ദിവസത്തിനകം മറുപടി നല്‍കണമെന്ന് ആവശ്യപ്പെട്ട് ഇവരുടെ വീട്ടിൽ മോട്ടോര്‍ വാഹനവകുപ്പ് നോട്ടീസ് പതിക്കുകയും ചെയ്തിട്ടുണ്ട്.
യൂട്യൂബിൽ ഇവര്‍ പങ്കുവെച്ചിട്ടുള്ള വീഡിയോകളിലെ മറ്റു നിയമലംഘനങ്ങളും കണ്ടെത്താൻ മോട്ടോര്‍ വാഹനവകുപ്പ് ശ്രമം തുടരുന്നുണ്ട്. കേരളത്തിനു പുറത്തു വെച്ച് ആംബുലൻസിനു സമാനമായ തരത്തിൽ സൈറൺ ഉപയോഗിച്ച് വാഹനമോടിച്ചെന്ന കേസിൽ വിവരം ബിഹാര്‍ പോലീസിനു കൈമാറുമെന്നും റിപ്പോര്‍ട്ടുകളുണ്ട്. ആര്‍ടി ഓഫീസിൽ നടന്ന സംഭവങ്ങളുടെ പേരിൽ ഇരുവരുടെയും പേരിൽ പത്തിലധികം വകുപ്പുകള്‍ ചുമത്തിയിട്ടുണ്ട്.
