Also Read :
കോഴിക്കോട്ടെ സ്വകാര്യ ആശുപത്രിയിൽ ചികിത്സയിൽ കഴിയുന്നതിനാൽ ഹാജരാകാൻ കഴിയില്ലെന്ന് ഹൈദരലി തങ്ങള്‍ ഇഡിയെ അറിയിച്ചിരുന്നു. അതേസമയം, ചന്ദ്രികയുടെ ഫിനാൻസ് ഡയറക്ടര്‍ പി എ അബ്ദുള്‍ ഷമീര്‍ രാവിലെ പത്തരയോടെ കൊച്ചി ഓഫീസിൽ ഹാജരാകും. നേരത്തെ കഴിഞ്ഞ ഒക്ടോബറിലാണ് പാണക്കാട് എത്തി ഇ‍ഡി ഉദ്യോഗസ്ഥര്‍ തങ്ങളുടെ മൊഴി രേഖപ്പെടുത്തിയിരിക്കുന്നത്.
കേസുമായി ബന്ധപ്പെട്ട് നിലവിൽ ഉയരുന്ന ആരോപണങ്ങള്‍ അടിസ്ഥാന രഹിതമാണെന്ന് ലീഗിന്റെ അഭിഭാഷകൻ ഇന്നലെ വ്യക്തമാക്കിയിരുന്നു. പണത്തിന്റെ ഉറവിടം സംബന്ധിച്ച എല്ലാ രേഖകളും ഹാജരാക്കിയതാണെന്ന് ലീഗിന്റെ അഭിഭാഷകൻ കഴിഞ്ഞ ദിവസം വ്യക്തമാക്കിയിരുന്നു. ചന്ദ്രികയുടെ വരിസംഖ്യയാണ് കൊച്ചിയിലെ ബാങ്കിൽ നിക്ഷേപിച്ചതെന്നാണ് ലീഗിന്റെ വിശദീകരണം.
ഈ വിവരങ്ങള്‍ ചര്‍ച്ച ചെയ്യുന്നതിന് ഇന്ന് മുസ്ലീം ലീഗിന്റെ അടിയന്തര യോഗം ചേരും. മുഈൻ അലിയുടെ വിമര്‍ശനവും വിവാദവും ചർച്ച ചെയ്യാൻ ലീഗ് യോഗം. യോഗത്തിൽ പങ്കെടുക്കാനായി ഇ ടി മുഹമ്മദ് ബഷീര്‍ യോഗത്തിനായി ന്യൂഡൽഹിയിൽ നിന്നും എത്തും. മുഈൻ അലിക്കെതിരെ നടപടി വേണമെന്നുമാവശ്യം. നടപടിക്ക് ഹൈദരാലി ശിഹാബ് തങ്ങളുടെ അനുമതി നേടാൻ ശ്രമം.
Also Read :
അതേസമയം, കുഞ്ഞാലിക്കുട്ടിക്കെതിരെ എതിര്‍പക്ഷവും രംഗത്ത്. വാര്‍ത്താസമ്മേളനത്തിനിടെ മുഈൻ അലിയെ അപമാനിച്ചതായി പരാതി. ഇത് കുഞ്ഞാലിക്കുട്ടിയുടെ അറിവോടെയാണെന്ന് എതിര്‍പക്ഷം.
