ഡാറ്റ ചോ‌ർത്തൽ : ഗൂ​ഗിൾ 80 പേരെ പിരിച്ചുവിട്ടു ​

കലിഫോർണിയ
ഉപഭോക്താക്കളുടെ വിവരങ്ങൾ ചോർത്തിയതിനും ചാരപ്പണി നടത്തിയതിനും ഗൂഗിൾ 80 ജീവനക്കാരെ പിരിച്ചുവിട്ടതായി റിപ്പോർട്ട്. ഓൺലൈൻ മാധ്യമമായ മദർബോർഡ് പ്രസിദ്ധീകരിച്ച റിപ്പോർട്ടിലാണ് ഇക്കാര്യം പറയുന്നത്. 2018നും 2020നും ഇടയിലുള്ള കാലയളവിലാണ് ​ഗൂഗിൾ ഇവരെ പിരിച്ചുവിട്ടത്. കഴിഞ്ഞ വർഷംമാത്രം 36 പേരെ പിരിച്ചുവിട്ടു. ഇതിൽ ഭൂരിഭാ​ഗവും രഹസ്യവിവരങ്ങൾ ചോർത്തിയവരാണ്. 2018ൽ 18 പേരെയും 2019ൽ 26 പേരെയും സുരക്ഷാപ്രശ്നത്തിന്റെ പേരിൽ പിരിച്ചുവിട്ടു. ഫെയ്സ്ബുക്കിനും സമാനസാഹചര്യമുണ്ടായിട്ടുണ്ടെന്ന് റിപ്പോർട്ടിലുണ്ട്. വ്യക്തിഗത ആവശ്യങ്ങൾക്കായി ഉപഭോക്താക്കളുടെ വിവരങ്ങൾ ചോർത്തിയ 52 പേരെ 2014നും 2015നും ഇടയിൽ ഫെയ്സ്ബുക് പിരിച്ചുവിട്ടതായി മദർബോർഡ് പറയുന്നു.