കോഴിക്കോട്: മുസ്ലിം ലീഗ് നേതൃത്വത്തിനെതിരെ കടുത്ത വിമർശനവുമായി ഹൈദരലി തങ്ങളുടെ മകൻ മൊയീൻ അലി. ചന്ദ്രികയിലെ ഫിനാൻസ് ഡയറക്ടർ ഷെമീറിന് വീഴ്ച സംഭവിച്ചു. കുഞ്ഞാലിക്കുട്ടി ഷെമീറിനെ അന്ധമായി വിശ്വസിച്ചെന്നും ശിഹാബ് തങ്ങൾ പറഞ്ഞു.
കുഞ്ഞാലിക്കുട്ടിയുടെ വിശ്വസ്തനാണ് മൊയീൻ അലി. നാൽപ്പത് വർഷമായി കുഞ്ഞാലിക്കുട്ടിയാണ് പണം കൈകാര്യം ചെയ്യുന്നത്. പാർട്ടി ഒരു വ്യക്തിയിലേക്ക് ചുരുങ്ങി. ഹൈദരലി ശിഹാബ് തങ്ങൾ കടുത്ത മാനസിക സമ്മർദ്ദത്തിലാണെന്നും മൊയീൻ അലി പറഞ്ഞു.
ഷെമീറിനെതിരെ നടപടിയെടുക്കണമെന്നും പാർട്ടി യു ടേൺ എടുക്കണമെന്നും മൊയീൻ അലി പറഞ്ഞു. ലീഗ് പ്രവർത്തകർ ബഹളം ഉണ്ടാക്കിയതോടെ വാർത്താ സമ്മേളനം തടസ്സപ്പെട്ടു. ചന്ദ്രികയുമായി ബന്ധപ്പെട്ട വിവാദങ്ങളുമായി ബന്ധപ്പെട്ടാണ് വാർത്താ സമ്മേളനം വിളിച്ചു ചേർത്തത്.
ചന്ദ്രിക ദിനപത്രത്തിന്റെ അക്കൗണ്ട് കള്ളപ്പണം വെളുപ്പിക്കാൻ ഉപയോഗിക്കുകയാണെന്ന് കെടി ജലീൽ വിമ‍ര്‍ശനം ഉന്നയിച്ചിരുന്നു. കുഞ്ഞാലിക്കുട്ടി കൊടിയ വഞ്ചനയാണ് തങ്ങളോടും കുടുംബത്തോടും ചെയ്തതെന്നും തങ്ങളെ സ്നേഹിക്കുന്നവ‍ര്‍ക്ക് ഇത് വലിയ വേദന ഉണ്ടാക്കിയെന്നും അദ്ദേഹം പറഞ്ഞു.
