നാദിർഷയെ പോലൊരാൾ ഇങ്ങനെ ചെയ്തല്ലോ എന്ന് ഓർക്കുമ്പോഴാണ് വിഷമം. ഇന്നും ഇന്നലെയുമായി ആരംഭിച്ച കാര്യമല്ല ഇത്. ക്രിസ്ത്യൻ വിഭാഗത്തെ അപമാനിക്കണമെന്ന നിർബന്ധബുദ്ധിയോടെ ഇറങ്ങിത്തിരിച്ച കുറച്ച് സിനിമാക്കാരുണ്ട്. ഇത് സംബന്ധിച്ച് കുറച്ച് നാളുകളായി എനിക്ക് പരാതികൾ ലഭിക്കുന്നുണ്ട്. വൃത്തിക്കെട്ട അനീതിയാണിത്. ചോദിക്കാനും പറയാനും ആരുമില്ലെന്ന തോന്നലാണ് ഇത്തരക്കാർക്ക് വളം എന്നും പി സി ജോർജ് വ്യക്തമാക്കി.
ക്രിസ്ത്യൻ സമൂഹത്തെ നിർബന്ധബുദ്ധിയോടെ അപമാനിക്കുന്ന പ്രവർത്തനങ്ങളാണ് സിനിമയിൽ ഉണ്ടാകുന്നത്. സിനിമകളിലെ മിക്ക ഗുണ്ടകളും ക്രിസ്ത്യാനികളായിരിക്കും, അവൻ്റെ കഴുത്തിൽ ഒരു കുരിശും ഉണ്ടാകുമെന്നും അദ്ദേഹം പറഞ്ഞു. ക്രിസ്ത്യൻ വിഭാഗത്തെ മാത്രമല്ല, മുസ്ലീം വിഭാഗത്തെയും ഹൈന്ദവ സമൂഹത്തെയും അപമാനിച്ചാലും ഞാൻ വിടില്ല. ഞാനൊരു പൊതുപ്രവർത്തകനാണ്. എംഎൽഎ അല്ലാത്തതിനാൽ ധാരാളം സമയം കിട്ടുന്നുണ്ട്. ഇവനെയൊക്കെ നന്നാക്കിയിട്ടേ ഞാൻ പോകൂ എന്നും പി സി ജോർജ് പറഞ്ഞു.
കേരളത്തിൽ ഏറ്റവും വാലിയ സാംസ്കാരിക മൂല്യങ്ങൾക്ക് വിലകൽപിച്ച സഭയാണ് ക്രൈസ്തവ സഭ സമൂഹത്തിന് വേണ്ടി ചെയ്യാൻ കഴിയുന്ന എല്ലാ നന്മകളും അവർ ചെയ്തുവെന്നും ജോജ് കൂട്ടിച്ചേർത്തു. നാദിർഷ സംവിധാനം ചെയ്യുന്ന കേശു ഈ വീടിൻ്റെ നാഥൻ, ഈശോ എന്നീ സിനിമകളുടെ പേര് മാറ്റണമെന്ന ആവശ്യവുമായി ക്രിസ്ത്യൻ സംഘടനകൾ രംഗത്തുവന്ന സാഹചര്യത്തിലാണ് പി സി ജോർജ് പ്രതികരണം നടത്തിയത്.
