India vs England 1st Test: ഇന്ത്യയും ഇംഗ്ലണ്ടും തമ്മിലുള്ള അഞ്ചു മത്സരങ്ങളുടെ ടെസ്റ്റ് പരമ്പരക്ക് ഇന്ന് തുടക്കമാകും. ഇംഗ്ലണ്ടിൽ ഒരു ടെസ്റ്റ് പരമ്പര ജയിക്കാൻ “വിട്ടുവീഴ്ചയില്ലാത്ത ഭ്രാന്തും” മികവിന് വേണ്ടിയുള്ള ഒറ്റ മനസ്സോടെയുള്ള പരിശ്രമവും ആവശ്യമാണെന്നാണ് ഇന്ത്യൻ ക്യാപ്റ്റൻ വിരാട് കോഹ്ലി തിങ്കളാഴ്ച പറഞ്ഞത്.
ജോ റൂട്ടിന്റെ നേതൃത്വത്തിലുള്ള ടീമിനെ നേരിടുന്നത് ലോകത്തെ മറ്റേതു ടീമിനെ നേരിടുന്നതിനോടും തുല്യമാണ് തനിക്കെന്നാണ് കോഹ്ലി കഴിഞ്ഞ ദിവസം പറഞ്ഞത്. കളിക്കുന്ന മത്സരം ജയിക്കുക എന്നത് മാത്രമാണ് ഉദ്ദേശം അതാണ് ടീം പുലർത്തുന്ന സംസ്കാരമെന്നും കോഹ്ലി പറഞ്ഞു.
സ്വന്തം നാഴികക്കല്ലുകളെ കുറിച്ചു ചിന്തിക്കുന്നില്ല എന്നാണ് കോഹ്ലി കഴിഞ്ഞ ദിവസം വ്യക്തമാക്കിയത്, എന്നാൽ 258 റൺസ് കൂടി സ്വന്തമാക്കിയാൽ ഇംഗ്ലണ്ടിനെതിരെ ടെസ്റ്റിൽ 2000 റൺസ് പൂർത്തിയാക്കാൻ കോഹ്‌ലിക്ക് സാധിക്കും. 45.84 റൺസ് ആവറേജിൽ 1,742 റൺസാണ് കോഹ്ലി ഇംഗ്ലണ്ടിനെതിരെ സ്വന്തമാക്കിയിരിക്കുന്നത്.
ടീം
ഇന്ത്യ: വിരാട് കോഹ്ലി (ക്യാപ്റ്റൻ), രോഹിത് ശർമ, മായങ്ക് അഗർവാൾ, ചേതേശ്വർ പൂജാര, അജിങ്ക്യ രഹാനെ, സൂര്യകുമാർ യാദവ്, പൃഥ്വി ഷാ, അഭിമന്യു ഈശ്വരൻ, ഹനുമ വിഹാരി, രവിചന്ദ്രൻ അശ്വിൻ, രവീന്ദ്ര ജഡേജ, അക്സർ പട്ടേൽ, റിഷഭ് പന്ത്, കെ.എൽ രാഹുൽ, വൃദ്ധിമാൻ സാഹ, ജസ്പ്രിത് ബുംറ, ഇഷാന്ത് ശർമ്മ, മുഹമ്മദ് ഷമി, മുഹമ്മദ് സിറാജ്, ശാർദുൽ താക്കൂർ, ഉമേഷ് യാദവ്
ഇംഗ്ലണ്ട്: ജോ റൂട്ട് (ക്യാപ്റ്റൻ), റോറി ബേൺസ്, ഡൊമിനിക് സിബ്ലി, ജോസ് ബട്ട്ലർ, മാർക്ക് വുഡ്, സാം കറൻ, ജെയിംസ് ആൻഡേഴ്സൺ, ജോണി ബെയർസ്റ്റോ, ഡൊമിനിക് ബെസ്, സ്റ്റുവർട്ട് ബ്രോഡ്, സാക്ക് ക്രോളി, ഹസീബ് ഹമീദ്, ഡാൻ ലോറൻസ്, ജാക്ക് ലീച്ച്, ഒല്ലി പോപ്പ്, ഒല്ലി റോബിൻസൺ, ക്രെയ്ഗ് ഓവർട്ടൺ
Also read: ‘ഇങ്ങനെ പോയാൽ ഗുണനിലവാരമുള്ള ക്രിക്കറ്റ് താരങ്ങളാരും അവശേഷിക്കാത്ത സമയമുണ്ടായേക്കാം;’ കോഹ്ലി
ഇന്ത്യ – ഇംഗ്ലണ്ട് ആദ്യ ടെസ്റ്റ് എവിടെ?
ഇന്ത്യയും ഇംഗ്ലണ്ടും തമ്മിലുള്ള ആദ്യ ടെസ്റ്റ് മത്സരം യുകെയിലെ നോട്ടിംഗ്ഹാമിലെ ട്രെന്റ് ബ്രിഡ്ജ് സ്റ്റേഡിയത്തിൽ നടക്കും.
ഇന്ത്യ – ഇംഗ്ലണ്ട് ആദ്യ ടെസ്റ്റ് എപ്പോഴാണ് ആരംഭിക്കുക?
ഇന്ത്യ – ഇംഗ്ലണ്ട് ആദ്യ ടെസ്റ്റ് 2021 ഓഗസ്റ്റ് 4 ബുധനാഴ്ച ആരംഭിക്കും.
ഇന്ത്യ – ഇംഗ്ലണ്ട് ആദ്യ ടെസ്റ്റ് എത്ര മണിക്ക് ആരംഭിക്കും?
ഇന്ത്യ – ഇംഗ്ലണ്ട് ആദ്യ ടെസ്റ്റ് മത്സരം ഉച്ചകഴിഞ്ഞ് 3:30 ന് ആരംഭിക്കും, ടോസ് ഉച്ചയ്ക്ക് 3 മണിക്ക് നടക്കും.
ഇന്ത്യ – ഇംഗ്ലണ്ട് ആദ്യ ടെസ്റ്റിന്റെ തത്സമയം എവിടെ കാണാനാകും?
ഇന്ത്യ – ഇംഗ്ലണ്ട് ആദ്യ ടെസ്റ്റ് മത്സരം സോണിലൈവ് വെബ്‌സൈറ്റ്, ആപ്പ്, ജിയോടിവി എന്നിവയിൽ തത്സമയം സംപ്രേഷണം ചെയ്യും.
ഇന്ത്യയും ഇംഗ്ലണ്ടും തമ്മിലുള്ള ആദ്യ ടെസ്റ്റ് ഏത് ടിവി ചാനലുകൾ സംപ്രേഷണം ചെയ്യും?
ഇന്ത്യ – ഇംഗ്ലണ്ട് ആദ്യ ടെസ്റ്റ് സോണി സിക്സ്/ സോണി സിക്സ് എച്ച്ഡി, സോണി ടെൻ 3/ സോണി ടെൻ 3 എച്ച്ഡി എന്നിവയിൽ പ്രക്ഷേപണം ചെയ്യും.
The post India vs England 1st Test: ഇന്ത്യ-ഇംഗ്ലണ്ട് ആദ്യ മത്സരം ഇന്ന്; എപ്പോൾ, എങ്ങനെ കാണാം? appeared first on Indian Express Malayalam.
