ന്യൂഡൽഹി: എസ്എൻസി ഓഗസ്റ്റ് 10 ന് സുപ്രീംകോടതി പരിഗണിക്കും. ജസ്റ്റിസ് യുയു ലളിതാണ് കേസ് പരിഗണിക്കുക. ബെഞ്ചിൽ ഇന്ദിരാ ബാനർജി, കെഎം ജോസഫ് എന്നിവരുമുണ്ട്. കഴിഞ്ഞ ഏപ്രിൽ ആറിനാണ് ഇതിനു മുമ്പ് കേസ് പരിഗണിച്ചത്.
പിണറായി വിജയനെയും രണ്ട് ഉദ്യോഗസ്ഥരേയും കുറ്റവിമുക്തരാക്കിയ ഹൈക്കോടതി വിധി ചോദ്യം ചെയ്ത് സിബിഐയും പ്രതിപ്പട്ടികയിൽ തുടരുന്ന ഉദ്യോഗസ്ഥരുമാണ് സുപ്രീംകോടതിയെ സമീപിച്ചത്.
കേസിൽ ക്രൈം നന്ദകുമാർ ഇഡിക്ക് തെളിവ് കൈമാറിയിരുന്നു. ഇഡിയാണ് നന്ദകുമാറിന്റെ മൊഴി രേഖപ്പെടുത്തിയത്. ലാവ്ലിൻ കേസ് അട്ടിമറിക്കാൻ രണ്ട് ജഡ്ജിമാർ കൂട്ടുനിന്നെന്നാണ് നന്ദകുമാറിന്റെ ആരോപണം. പ്രത്യുപകാരമായി സിയാലിന്റെ 1.20 ലക്ഷം ഓഹരികൾ ജഡ്ജിമാർക്ക് ലഭിച്ചെന്നും നന്ദകുമാർ ആരോപിച്ചു.
