കൊച്ചി: കണ്ണൂർ സ്വദേശിയായ യുവ ഡോക്ടർ മാനസയുടെ കൊലപാതകത്തിൽ മനംനൊന്ത് യുവാവ് ജീവനൊടുക്കി. ചങ്ങരംകുളം വളയംകുളം മനക്കൽകുന്ന് സ്വദേശി വിനീഷ് (33) ആണ് മരിച്ചത്. വീടിന്റെ അടുക്കള ഭാഗത്ത് തൂങ്ങിയ നിലയിലായിരുന്നു മൃതദേഹം. ഞായറാഴ്ച വൈകിട്ട് മൂന്ന് മണിയോടെയായിരുന്നു മരണം.
അമ്മയോടൊപ്പമായിരുന്നു വിനീഷ് താമസിച്ചിരുന്നത്. സംഭവം നടക്കുമ്പോൾ വിനീഷ് വീട്ടിൽ തനിച്ചായിരുന്നു. തന്റെ മരണത്തിൽ മറ്റാർക്കും പങ്കില്ലെന്നും മാനസയുടെ മരണം വേദനിപ്പിച്ചെന്നും യുവാവ് ആത്മഹത്യാ കുറിപ്പിൽ പറയുന്നു.
പ്രദേശവാസികളാണ് പോലീസിൽ വിവരം അറിയിച്ചത്. ചങ്ങരംകുളം സിഐ ബഷീർ ചിറയ്ക്കലിന്റെ നേതൃത്വത്തിൽ പോലീസ് സ്ഥലത്തെത്തി ഇൻക്വസ്റ്റ് നടത്തി. മൃതദേഹം മഞ്ചേരി മെഡിക്കൽ കോളേജിൽ പോസ്റ്റ് മോർട്ടത്തിന് അയച്ചിരിക്കുകയാണ്, റിപ്പോർട്ടർ ലൈവ് റിപ്പോർട്ട് ചെയ്തു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്‍പ്പ്‍ലൈന്‍ – 1056 (ടോള്‍ ഫ്രീ)
