പാലക്കാട്: കൊഴിഞ്ഞാമ്പാറ വേലന്താവളം ചെക്ക്പോസ്റ്റിന് സമീപം കാറിൽ കടത്തിയ 65 കിലോ കഞ്ചാവ് പിടികൂടി. എസ്.പി. ആർ.വിശ്വനാഥിന് കിട്ടിയ രഹസ്യവിവരത്തെ തുടർന്ന് ജില്ലാ നാർകോട്ടിക്സെല്ലിന്റെയും, കൊഴിഞ്ഞാമ്പാറ പോലീസിന്റെയും നേതൃത്വത്തിൽ നടത്തിയ പരിശോധനയിലാണ് കഞ്ചാവ് പിടികൂടിയത്.
കാറിൽ 35 കവറുകളിലായിട്ടാണ് 65 കിലോ കഞ്ചാവ് സൂക്ഷിച്ചിരുന്നത്. കല്ലടിക്കോട്, കരിമ്പ, പടിക്കപ്പറമ്പിൽ എസ്.സനു(39) മണ്ണാർക്കാട്, കൈതച്ചിറ, വെട്ടിക്കല്ലറ വീട്ടിൽ എച്ച്.മുഹമ്മദ് ഷഫീക്ക് (27) എന്നിവരെ പിടികൂടി. കഞ്ചാവ് ആന്ധ്രപ്രദേശിൽ നിന്നും കല്ലടിക്കോട്, മണ്ണാർക്കാട് ഭാഗത്തേക്ക് ചില്ലറ വിൽപ്പന്ക്കായി കൊണ്ടുവന്നതാണെന്ന് പ്രതികൾ പറഞ്ഞു. നിരവധി കേസുകളിലെ പ്രതിയാണ് സനു.
അറസ്റ്റിലായ പ്രതികൾ
എസ്.പി ആർ. വിശ്വനാഥ്, ജില്ലാ ലഹരി വിരുദ്ധ സ്ക്വാഡ് ഡി.വൈ.എസ്.പി സി ഡി ശ്രീനിവാസൻ, കൊഴിഞ്ഞാമ്പാറ സി.ഐ.എസ് ശശിധരൻ, എസ്.ഐ,എസ് ഐ പി.ജെ രാജേഷ്, നർക്കോട്ടിക്ക് സെൽ എസ്.ഐ എസ്.ജലീൽ, എ.എസ്.ഐ ചന്ദ്രൻ, എസ്.സി.പി.ഒ സി.രതീഷ്, ജോൺസൺലോബോ, ടി.ആർ.സുനിൽകുമാർ, റഹിം മുത്തു.ആർ.കിഷോർ, സി.എസ്.സാജിദ്, കൃഷ്ണദാസ്, കെ.അഹമ്മദ് കബീർ, യു. സൂരജ് ബാബു, ആർ.വിനീഷ്, ആർ.രാജീദ്, കെ.ദിലീപ്.എസ്. ഷമീർ, എസ്.സമീർ, എസ്.ഷനോസ്, എന്നിവരാണ് പിടികൂടിയത്.
Content Highlights:65 kilo ganja seized in kozhinjampara
