കൊച്ചി: ചരിത്രത്തിൽ ആദ്യമായി മിൽമയുടെ ഭരണം ഇടതുമുന്നണിക്ക്. ചെയർമാൻ സ്ഥാനത്തേക്കു നടന്ന തെരഞ്ഞെടുപ്പിൽ സിപിഎമ്മിന്റെ കെ എസ് മണി വിജയിച്ചു. അഞ്ചിനെതിരെ ഏഴ് വോട്ടുകൾക്കാണ് മണി ജയിച്ചത്.
ചെയർമാനായിരുന്ന പിഎ ബാലൻ മാസ്റ്ററുടെ നിര്യാണത്തോടെയാണ് ഭരണ സമിതിയിലേക്ക് തെരഞ്ഞെടുപ്പ് നടന്നത്. 38 വർഷത്തിനിടെ ആദ്യമായാണ് മിൽമ ഭരണ സമിതി ഇടതു മുന്നണി നേടുന്നത്.
മിൽമയിൽ തെരഞ്ഞെടുക്കപ്പെട്ട ഭരണ സമിതി വന്ന 1983 മുതൽ പ്രയാർ ഗോപാലകൃഷ്ണനായിരുന്നു ഫെഡറേഷൻ ചെയർമാൻ. 2019-ൽ അദ്ദേഹം ഒഴിഞ്ഞപ്പോൾ പിഎ ബാലൻ മാസ്റ്റർ ചെയർമാനായി. ജുലൈ 10 നായിരുന്നു ബാലൻ മാസ്റ്റർ അന്തരിച്ചത്. ഈ ഒഴിവിലേക്കാണ് തെരഞ്ഞെടപ്പ് നടന്നത്.
