ഇടുക്കി> കുളമാവ് അണക്കെട്ടില് മീന് പിടിക്കാൻ പോയി കാണാതായ സഹോദരങ്ങളില് രണ്ടാമത്തെയാളുടെയും മൃതദ്ദേഹം കണ്ടെത്തി. മുല്ലക്കാനം ചക്കിമാലി കോയിപ്പുറത്ത് കെ കെ ബിനു (36)വിന്റെ മൃതദ്ദേഹമാണ് ബുധനാഴ്ച രാവിലെ 9.30 ഓടെ വേങ്ങാനം തലയ്ക്കൽ ഭാഗത്ത് നിന്ന് കണ്ടെത്തിയത്. പോസ്റ്റ്മോര്ട്ടത്തിനായി ഇടുക്കി മെഡിക്കല് കോളേജിലേക്ക് കൊണ്ടു പോയി.
മീൻ പിടിക്കാൻ കുളമാവ് ഡാമിൽ പോയ ബിനുവിനെയും സഹോദരൻ കെ കെ ബിജു (38) വിനെയും കഴിഞ്ഞ ബുധനാഴ്ച രാവിലെ മുതലാണ് കാണാതായത്. ബിജുവിന്റെ മൃതദ്ദേഹം തിങ്കളാഴ്ച ഡാമിൽ നിന്ന് കിട്ടിയിരുന്നു.
