ന്യൂഡൽഹി > ഐഎസ്ആർഒ ചാരക്കേസിലെ ഗൂഢാലോചന അന്വേഷിക്കുന്ന സിബിഐ അന്വേഷണപുരോഗതി റിപ്പോർട്ട് സുപ്രീംകോടതിയിൽ സമർപ്പിച്ചു. മുദ്രവച്ച കവറിലാണ് സിബിഐ തൽസ്ഥിതി റിപ്പോർട്ട് കൈമാറിയത്. ജസ്റ്റിസ് എ എം ഖാൻവിൽക്കർ അധ്യക്ഷനായ ബെഞ്ച് തിങ്കളാഴ്ച റിപ്പോർട്ട് പരിഗണിക്കും.
ശാസ്ത്രജ്ഞൻ നമ്പിനാരായണനെ കേസിൽ ഉൾപ്പെടുത്താൻ പൊലീസ് ഉദ്യോഗസ്ഥരുടെ ഗൂഢാലോചന ഉണ്ടായിട്ടുണ്ടോയെന്ന് അന്വേഷിക്കാൻ സുപ്രീംകോടതി ഏപ്രിൽ 15നാണ് ഉത്തരവിട്ടത്. കോവിഡ് സാഹചര്യത്തിൽ അന്വേഷണം പൂർത്തിയാക്കാൻ സിബിഐ കൂടുതൽ സമയം തേടിയേക്കും.
