തിരുവനന്തപുരം: കോവിഡ് വ്യാപനം കണക്കിലെടുത്ത് ഈ വർഷം കർക്കടകവാവിന് തിരുവിതാകൂർ ദേവസ്വം ബോർഡിന്റെ കീഴിലുള്ള ക്ഷേത്രങ്ങളിൽ ബലിതർപ്പണം അനുവദിക്കേണ്ടതില്ലെന്ന് തീരുമാനിച്ചു. ഇന്ന് ചേർന്ന ദേവസ്വംബോർഡ് യോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടത്.
കോവിഡ് വ്യാപനത്തെ തുടർന്ന് സാമ്പത്തിക പ്രതിസന്ധി അനുഭവിക്കുന്ന തിരുവിതാംകൂർ ദേവസ്വംബോർഡിന് സംസ്ഥാന സർക്കാർ 10 കോടി രൂപ അനുവദിച്ച് ഉത്തരവായതായി ദേവസ്വം ബോർഡ് പ്രസിഡന്റ് അഡ്വ.എൻ.വാസു അറിയിച്ചു. സാമ്പത്തിക സഹായം അനുവദിച്ച് നൽകിയ സംസ്ഥാന സർക്കാരിനോടുള്ള ബോർഡിന്റെ നന്ദി അറിയിക്കുന്നതായും തിരുവിതാംകൂർ ദേവസ്വംബോർഡ് പ്രസിഡന്റ് വാർത്താകുറിപ്പിൽ പറഞ്ഞു.
Content Highlights:Karkidaka vavu bali will not allow in Travancore Devaswom Board temples
