കൊല്ലം: കുണ്ടറയിലെ യുവതിയുടെ പീഡന പരാതിയെത്തുടർന്ന് സംസ്ഥാന എക്സിക്യൂട്ടീവ് അംഗം പത്മാകരനേയും കൊല്ലം ജില്ലാ പ്രസിഡന്റ് എസ് രാജീവിനേയും എൻസിപിയിൽ നിന്നും സസ്പെന്റ് ചെയ്തു. പാർട്ടി അന്വേഷണ കമ്മീഷന്റെ ശുപാർശപ്രകാരമാണ് നടപടി.
പത്മാകരനെതിരെയാണ് യുവതി പരാതി ഉന്നയിച്ചത്. പരാതിയിൽ നിയമ നടപടി തുടരട്ടെ എന്നാണ് പാർട്ടിയുടെ നിലപാട്. സംഭവത്തിൽ തുടർന്നും നടപടിയുണ്ടാകുമെന്ന് എൻസിപി ജനറൽ സെക്രട്ടറി കെ ആർ രാജൻ വ്യക്തമാക്കി.
പീഡന കേസിൽ യുവതി നേരത്തെ പരാതി നൽകിയിരുന്നു. മന്ത്രി എകെ ശശീന്ദ്രൻ ഒത്തു തീർപ്പിനു ശ്രമിച്ചെന്നാണ് മൊഴി. മന്ത്രി ഫോൺ വിളിച്ചത് ഉൾപ്പെടെ പോലീസിന് നൽകിയ മൊഴിയിൽ പരാമർശിക്കുന്നുണ്ട്.
മന്ത്രിക്കെതിരെ ഗവർണർ ആരിഫ് മുഹമ്മദ് ഖാന് പരാതി നൽകുമെന്ന് യുവതി വ്യക്തമാക്കി. സിസിടിവി ദൃശ്യങ്ങൾ കേന്ദ്രീകരിച്ചും പോലീസ് അന്വേഷണം നടത്തുന്നുണ്ട്.
