മുഖ്യമന്ത്രി കൂടാതെ വനിതാ ശിശുക്ഷേമ വകുപ്പ് മന്ത്രി, സാംസ്കാരിക വകുപ്പ് മന്ത്രി, മാധ്യമ സ്ഥാപനങ്ങൾ എന്നിവയ്ക്ക് കത്തുകൾ അയച്ചിട്ടുണ്ടെന്നും വനിതകളുടെ കൂട്ടായ്മ വ്യക്തമാക്കി. വാർത്തകളിൽ ഉപയോഗിക്കുന്ന ആറ് പദപ്രയോഗങ്ങൾക്കെതിരെയാണ് കൂട്ടായ്മ രംഗത്തെത്തിയിരിക്കുന്നത്.
Also Read:
ലൈംഗികാതിക്രമം സൂിചിപ്പിക്കാൻ ‘മാനഭംഗം’, സ്ത്രീകൾ വീടിവിട്ടു പോയൽ ‘ഒളിച്ചോട്ടം’, വീട്ടുത്തരവാദിത്തങ്ങൾ
നിർവ്വഹിക്കേണ്ടത് എല്ലാവരുമാണെന്നിരിക്കെ അത് ചെയ്യുന്ന സ്ത്രീയ്ക്ക് മാത്രം നൽകുന്ന ‘വീട്ടമ്മ’ എന്ന പ്രയോഗം, മരണപ്പെടുന്ന സ്ത്രീകളുടെ പേരു പറയുന്നതിനു മുമ്പ് ഇന്നയാളുടെ ഭാര്യ/മകൾ ആയ എന്ന് പറഞ്ഞുകൊണ്ട് മാത്രം സ്ത്രീയുടെ പേര് സൂചിപ്പിക്കുന്ന രീതി, സ്ത്രീകളുടെ വിജയം വാർത്തയാക്കുമ്പോൾ ഇന്നയാളുടെ ഭാര്യ/മകൾ എന്നെഴുതിയ ശേഷം മാത്രം അവളുടെ പേര് പരാമർശിക്കുന്ന രീതി, അപകടങ്ങൾ റിപ്പോർട്ട് ചെയ്യുമ്പോൾ മരണസംഖ്യ സൂചിപ്പിക്കാൻ സ്ത്രീകൾ അടക്കം ഇത്ര പേർ എന്ന് പ്രയോഗിക്കുന്നത്, എന്നീ പ്രയോഗങ്ങൾക്കെതിരെയാണ് സ്ത്രീകളുടെ സംഘടന രംഗത്തെത്തിയിരിക്കുന്നത്.
ഇന്ത്യൻ ഭരണഘടനയുടെ ആർട്ടിക്കിൾ 14, 15, 21 പ്രകാരം സ്ത്രീകൾക്ക് പുരുഷനോടൊപ്പം തുല്യതയോടെ ജീവിക്കാനുള്ള അവകാശം നൽകുന്നുണ്ട്, അതിനാൽ വിവേചനം പാടില്ലെന്നും നിവേദനത്തിൽ പറയുന്നുണ്ട്.
“പൊതുബോധത്തിൽ ഉറച്ചു പോയ ഇത്തരം ഭാഷാപ്രയോഗങ്ങൾ സ്ത്രീകളുടെ സ്വത്വത്തെ അവഗണിക്കുന്നതും, അന്തസ്സിനെ ഇകഴ്ത്തുന്നതും ഇന്ത്യൻ ഭരണഘടന ഉറപ്പു നൽകുന്ന തുല്യതയ്ക്ക് നിരക്കാത്തതുമാണ്. അതു കൊണ്ട് സ്ത്രീകളുടെ അന്തസ്സിനെ ഹനിക്കുന്ന തരത്തിലുള്ള ഇത്തരം വാർത്തകളും പ്രയോഗങ്ങളും പത്രങ്ങളിൽ ഇനിയെങ്കിലും ഉണ്ടാവാതിരിക്കാൻ അടിയന്തരമായി ഇടപെടണമെന്ന് അപേക്ഷിക്കുന്നു. സ്ത്രീ സുരക്ഷയ്ക്കും സ്ത്രീ പുരുഷ സമത്വത്തിനും ലിംഗനീതിക്കും വേണ്ടി സർക്കാർ നൂതന പദ്ധതികൾ അവിഷ്കരിച്ചു കൊണ്ടിരിക്കുന്ന സമയത്ത് തീർച്ചയായും ഇക്കാര്യത്തിലും അനുകൂലമായ നടപടികൾ ഉണ്ടാകുമെന്ന് ഞങ്ങൾ വിശ്വസിക്കുകയും പ്രതീക്ഷിക്കുകയും ചെയ്യുന്നു.” മലയാളിപ്പെൺകൂട്ടം നിവേദനത്തിൽ പറയുന്നു.
