കൊച്ചി: മഠത്തിൽ പോലീസ് സംരക്ഷണം ആവശ്യപ്പെട്ട് സി ലൂസി കളപ്പര സമർപ്പിച്ച ഹർജി തീർപ്പാക്കി ഹൈക്കോടതി. ഇപ്പോൾ താമസിക്കുന്ന കാരയ്ക്കാ മഠം കോൺവെന്റിലല്ലാതെ മറ്റെവിടെയെങ്കിലും താമസിച്ചാൽ സുരക്ഷ നൽകണമെന്നാണ് കോടതിയുടെ ഉത്തരവ്.
കോൺവെന്റിൽ നിന്നും സി ലൂസി ഇറങ്ങി പോകണമെന്ന് ഹൈക്കോടതിക്ക് ഉത്തരവിടാൻ സാധിക്കില്ല. കോൺവെന്റിലെ താമസവുമായി ബന്ധപ്പെട്ട ഹർജി എത്രയും വേഗം തീർപ്പാക്കണമെന്ന് മുൻസിഫ് കോടതിയോട് ഹൈക്കോടതി ആവശ്യപ്പെട്ടു.
Also Read:
കോൺവെന്റിലെ സിസിടിവി ദൃശ്യങ്ങൾ സംരക്ഷിക്കപ്പെടണമെന്ന് ആവശ്യപ്പെട്ടു സമർപ്പിച്ച ഹർജി മജിസ്ട്രേറ്റ് കോടതിയിൽ സമർപ്പിക്കാൻ ഹൈക്കോടതി നിർദ്ദേശിച്ചു, ഏഷ്യാനെറ്റ് ന്യൂസ് റിപ്പോർട്ട് ചെയ്തു.
സഭാ ചട്ടങ്ങൾക്കു വിരുദ്ധമായി പ്രവർത്തിച്ചെന്നാരോപിച്ച് സി ലൂസി കളപ്പുരയെ മഠത്തിൽ നിന്നും പുറത്താക്കിയ എഫ്സിസി സന്യാസിനീ സമൂഹത്തിന്റെ നടപടി വത്തിക്കാൻ ശരിവെച്ചെന്നാണ് മഠത്തിന്റെ വാദം. എന്തു വന്നാലും താൻ മഠത്തിൽ നിന്ന് ഇറങ്ങില്ലെന്നും വത്തിക്കാൻ കോടതിയുടെ വിധി നിലനിൽക്കില്ലെന്ന് ഇന്ത്യൻ കോടതി വിധി പുറപ്പെടുവിക്കുമെന്നാണ് പ്രതീക്ഷിക്കുന്നതെന്നും സി ലൂസി പറഞ്ഞു.
