ഇന്ത്യയുടെ ദേശീയ ഫലം ആണ് മാമ്പഴം. 5000 വർഷങ്ങൾക്ക് മുൻപ് തന്നെ ഇന്ത്യയിൽ മാങ്ങ ഭക്ഷിക്കാൻ ഉപയോഗിച്ചിട്ടുണ്ട് എന്നാണ് ചരിത്രം വെളിപ്പെടുത്തുന്നത്. ലോകത്ത് മാമ്പഴത്തിന്റെ പകുതിയിൽ കൂടുതലും ഇന്ത്യയിൽ നിന്നാണ്. അപ്പോൾ പിന്നെ ഇന്ത്യ മാമ്പഴത്തിനായി ഒരു ദിവസം തന്നെ മാറ്റിവെച്ചതിൽ അത്ഭുതമൊന്നുമില്ലല്ലോ. ഇന്ന്, ജൂലൈ 22 ആണ് ദേശീയ മാമ്പഴ ദിവസം. ഇന്ത്യയുടെ മാത്രമല്ല, ഫിലിപൈൻസ്, പാകിസ്ഥാൻ എന്നീ രാജ്യങ്ങളുടെയും ദേശീയ ഫലമാണ് മാങ്ങ. ബംഗ്ലാദേശിന്റെ ദേശീയ വ്യക്ഷം മാവും. ചൈനയിലും മാമ്പഴ കൃഷി തകൃതിയായി നടക്കുന്നുണ്ട്. ഏകദേശം 550 തരം മാങ്ങകളെങ്കിലും ലോകത്തുണ്ട് എന്നാണ് വിവരം. അതെ സമയം ലോകത്തിലെ ഏറ്റവും വിലകൂടിയ മാമ്പഴം ഏതാണ് എന്ന് നിങ്ങൾക്കറിയാമോ?ലോകത്തിലെ ഏറ്റവും വിലയുള്ള ബിരിയാണി, ബർഗർ, ഫ്രഞ്ച് ഫ്രൈസ് എവിടെ കിട്ടും?
ലോകത്തിലെ ഏറ്റവും വില കൂടിയ മാങ്ങയാണ് മിയസാക്കി മാങ്ങ. ഒരു കിലോഗ്രാം മിയസാക്കി മാങ്ങ വാങ്ങാൻ ചിലവഴിക്കേണ്ടത് എത്രയെന്നോ? 2.70 ലക്ഷം രൂപ. ചുവപ്പ് നിറമാണ് മിയസാക്കി മാങ്ങയുടെ ആകർഷണം. അതുകൊണ്ട് തന്നെ അസ്തമയ സൂര്യന്റെ മുട്ട എന്ന വിശേഷണവും മിയസാക്കി മാങ്ങയ്ക്കുണ്ട്. പേര് സൂചിപ്പിക്കും പോലെ ജപ്പാനിലെ മിയസാക്കി എന്ന ചെറുപട്ടണിത്തലാണ് പ്രധാനമായും ഇത്തരം മാങ്ങകൾ കൃഷി ചെയ്യുന്നത്. 1970-1980 കാലഘട്ടത്തിൽ മിയസാക്കി നഗരത്തിൽ മാമ്പഴം കൃഷി ചെയ്യാൻ തുടങ്ങി എന്നാണ് പറയപ്പെടുന്നത്. മിയസാക്കി മാമ്പഴം കൃഷിചെയ്യാൻ കൂടുതൽ സമയവും കൃത്യമായ അളവിൽ സൂര്യപ്രകാശവും വേണം. മെയ്, ജൂൺ മാസങ്ങളിൽ മാത്രമേ മിയസാക്കി മാങ്ങകൾ കൃഷി ചെയ്യാൻ സാധിക്കൂ.
ഓരോ മിയസാക്കി മാങ്ങയ്ക്കും ശരാശരി 350 ഗ്രാം തൂക്കവും കടും ചുവപ്പ് നിറവുമാണ്. ജുറാസിക് പാർക്ക് സിനിമകളിലും മറ്റും നാം കണ്ടിട്ടുള്ള ദിനോസറിന്റെ മുട്ട പോലെയാണ് കാഴ്ച്ചയിൽ മിയസാക്കി മാങ്ങകൾ. ആന്റിഓക്‌സിഡന്റ് ധാരാളമടങ്ങിയതാണ് മിയസാക്കി മാങ്ങകൾ. ബീറ്റാ കരോട്ടിൻ, ഫോളിക് ആസിഡ് പോക്ഷകഘടകങ്ങളും ധാരാളം അടങ്ങിയിട്ടുണ്ട്. കാഴ്ച കുറയുന്നത് തടയുകയും ഉള്ളിലേക്ക് ഇറങ്ങിയ കണ്ണുകൾക്ക് നവോന്മേഷം നൽകുന്നതിനും മിയസാക്കി മാങ്ങകൾ കഴിക്കുന്നത് നല്ലതാണ്.
കോടീശ്വരന്മാർ പോലും കഴിക്കണോ എന്ന് രണ്ടാമതൊന്ന് ചിന്തിക്കുന്ന 5 വിഭവങ്ങൾ
ഉത്തർപ്രദേശിലെ ജബൽപൂരിൽ താമസിക്കുന്ന ഒരു ദമ്പതികളുടെ തോട്ടത്തിലും മിയസാക്കി മാങ്ങയുണ്ടാവുന്ന മാവുണ്ട്. റാണി, സങ്കൽപ് പരിഹാർ എന്ന് പേരുള്ള ദമ്പതികളാണ് വർഷങ്ങൾക്ക് മുൻപ് തങ്ങൾക്ക് കിട്ടിയ രണ്ട് മാവിൻ തൈകൾ തങ്ങളുടെ തോട്ടത്തിൽ നട്ടുപിടിപ്പിച്ചത്. വർഷങ്ങൾക്ക് ശേഷം മാവിൻ തൈ വളർന്ന് മാങ്ങയുണ്ടായപ്പോൾ നല്ല ചുവന്ന നിറം. വ്യത്യസ്മായ നിറം കണ്ട് കൂടുതൽ അന്വേഷിച്ചപ്പോഴാണ് ദമ്പതികൾ അത്
യാണ് എന്ന് മനസ്സിലാക്കുന്നത് തന്നെ. വർഷങ്ങൾക്ക് മുൻപ് ചെന്നൈയിലേക്ക് യാത്രചെയ്യുമ്പോൾ ട്രെയിനിൽ ഒരാൾ സമ്മാനിച്ചതാണ് മാവിൻ തൈകൾ എന്ന് പരിഹാർ പറയുന്നു. സ്വന്തം കുഞ്ഞുങ്ങളെപോലെ പരിപാലിക്കണം എന്ന നിർദേശവുമായാണ് അപരിചിതനായ വ്യക്തി തനിക്ക് ഈ മാവിൻ തൈകൾ നൽകിയത് എന്ന് പരിഹാർ ഹിന്ദുസ്ഥാൻ ടൈംസിനോട് വ്യക്തമാക്കി.
മിയസാക്കി മാവിൻ തൈ ആണ് എന്ന വാർത്ത പരന്നതോടെ കള്ളന്മാരുടെ ശല്യം കൂടി. കുറച്ച് മിയസാക്കി മാങ്ങകൾ കള്ളന്മാർ അപഹരിച്ചതോടെ നാല് കാവൽക്കാരെയും ആറ് പട്ടികളെയുമാണ് തൈകളെയും ഇപ്പോൾ ബാക്കിയുള്ള 7 മാങ്ങകളെയും സംരക്ഷിക്കാൻ ദമ്പതികൾ ഏർപ്പാടാക്കിയിരിക്കുന്നത്.
