സ്ത്രീസുരക്ഷയുടെ പ്രധാന്യം ഉയര്‍ത്തിക്കാട്ടി സര്‍ക്കാര്‍ വിപുലമായ പ്രചാരണം നടത്തുന്നതിനിടെയാണ് പീഡനക്കേസ് ഒത്തുതീര്‍പ്പാക്കാൻ മന്ത്രി ഇരയുടെ അച്ഛനുമായി സംസാരിക്കുന്നതിൻ്റെ ശബ്ദരേഖ പുറത്തു വന്നത്. യുവതിയുടെ അച്ഛനെ ഫോണിൽ വിളിച്ച സംഭവം മന്ത്രി നിഷേധിച്ചിരുന്നില്ല. കേസ് ഒത്തുതീര്‍പ്പാക്കണമെന്ന് ആവശ്യപ്പെട്ടിരുന്നെങ്കിലും പീഡനക്കേസ് ആണെന്നു അറിഞ്ഞതോടെ പിന്മാറിയെന്നാണ് ശശീന്ദ്രൻ പറയുന്നത്.
Also Read:
അതേസമയം, സ്ത്രീപീഡന പരാതിയാണെന്ന് അറിഞ്ഞു കൊണ്ടു തന്നെയാണ് എകെ ശശീന്ദ്രൻ ബന്ധപ്പെട്ടതെന്നാണ് യുവതിയുടെ അച്ഛൻ പറയുന്നത്. പീഡന പരാതി പിൻവലിക്കില്ലെന്നും കേസിൽ ഉറച്ചു നിൽക്കുമെന്നും അദ്ദേഹം മാധ്യമങ്ങളോടു പറഞ്ഞു. എന്നാൽ സംഭവത്തിൽ എകെ ശശീന്ദ്രനെ പിന്തുണയ്ക്കുന്നതാണ് എൻസിപി നിലപാട്. യുവതിയുടെ അച്ഛൻ്റെ ചോദ്യങ്ങള്‍ സംശയത്തിന് ഇട നല്‍കുന്നുണ്ടെന്നും കെട്ടിച്ചമച്ച കേസാണെന്നും പിസി ചാക്കോ വിശദീകരിച്ചു. എകെ ശശീന്ദ്രൻ രാജിവെക്കണമെന്ന ആവശ്യവും പിസി ചാക്കോ തള്ളി.
Also Read:
അതേസമയം, താൻ അങ്ങോട്ട് ആവശ്യപ്പെട്ടാണ് മുഖ്യമന്ത്രിയെ കണ്ടതെന്നാണ് എ കെ ശശീന്ദ്രൻ പറയുന്നത്. പറയാനുള്ള കാര്യങ്ങള്‍ മുഖ്യമന്ത്രിയെ അറിയിച്ചെന്നും മുഖ്യമന്ത്രി തൻ്റെ വിശദീകരണം ശ്രദ്ധയോടെ കേട്ടെന്നും എ കെ ശശീന്ദ്രൻ പറഞ്ഞു. വിശദീകരണം ബോധ്യപ്പെട്ടോ എന്ന് മുഖ്യമന്ത്രിയാണ് പറയേണ്ടതെന്നും അദ്ദേഹം മാധ്യമങ്ങളോടു പറഞ്ഞു.
