കൊച്ചി> കേരളത്തിലെ ആദ്യത്തെ ട്രാന്സ്ജെന്ഡര് റേഡിയോ ജോക്കി അനന്യ കുമാരി അലക്സിനെ മരിച്ച നിലയില് കണ്ടെത്തി. ഇടപ്പള്ളി ലുലുമാളിന് സമീപമുള്ള ഫ്ളാറ്റില് തൂങ്ങി മരിച്ച നിലയിലാണ് മൃതദേഹം കണ്ടെത്തിയത്.ആത്മഹത്യയെന്നാണ് പ്രാഥമിക നിഗമനം.
ലിംഗമാറ്റ ശസ്ത്രക്രിയ നടത്തിയതില് ഡോക്ടറുടെ കയ്യില് നിന്നും ഗുരുതര വീഴ്ച സംഭവിച്ചുവെന്ന് ഒരു മാധ്യമത്തോട് അനന്യ തുറന്നുപറഞ്ഞിരുന്നു. ഇതിന് പിന്നാലെയാണ് അനന്യയെ മരിച്ചനിലയില് കണ്ടെത്തിയത്.
ശസ്ത്രക്രിയയിലെ പിഴവ് മൂലം ജോലി ചെയ്യാന് കഴിയുന്നില്ലെന്നും ഒരു വര്ഷം കഴിയുമ്പോഴും നിശ്ചിത സമയത്തില് കൂടുതല് എഴുന്നേറ്റ് നില്ക്കാന് കഴിയുന്നില്ലെന്നും അനന്യ പറഞ്ഞിരുന്നു.
കഴിഞ്ഞ നിയമസഭാ തിരഞ്ഞെടുപ്പില് വേങ്ങര മണ്ഡലത്തില് അനന്യ പത്രിക സമര്പ്പിച്ചിരുന്നുവെങ്കിലും പിന്നീട് പിന്മാറിയിരുന്നു
