നടുവണ്ണൂർ> വനമിത്ര പുരസ്കാര ജേതാവും, പരിസ്ഥിതി പ്രവർത്തകനുമായ പത്മനാഭൻ മാസ്റ്റർ (82) നിര്യാതനായി. സി പി ഐ എം കോട്ടൂർ ലോക്കൽ കമ്മറ്റി മുൻ സെക്രട്ടറിയുമാണ്.
തിരുവോട് സജനയിൽ സ്വന്തമായി രണ്ടേക്കർ സ്ഥലത്ത് കാടുവളർത്തി പരിപാലിച്ചിരുന്നു. നടുവണ്ണൂർ ഗവ ഹയർ സെക്കണ്ടറി സ്കൂളിലെ പ്രധാന അധ്യാപകനായാണ് സർവ്വീസിൽ നിന്ന് വിരമിച്ചത്. കെ എസ് ടി എ ജില്ലാ കമ്മറ്റി അംഗമായിരുന്നു. വാകയാട് ഹയർ സെക്കണ്ടറി സ്കൂൾ മാനേജ്മെൻറ് കമ്മറ്റി അംഗമായിരുന്നു.
കർഷക സംഘം ബാലുശ്ശേരി ഏരിയാകമ്മറ്റി അംഗമായും പ്രവർത്തിച്ചു. ഭാര്യ: സരോജിനിഅമ്മ. മക്കൾ: റീന, സജിത്ത് (ഇൻഷൂറൻസ് സർവ്വെയർ ) മരുമക്കൾ: ശശീന്ദ്രൻ ( വട്ടോളി ബസാർ ) സ്മിത (അധ്യാപിക വാകയാട് ഹയർ സെക്കണ്ടറി) . സഹോദരങ്ങൾ: ഇ അച്ചുതൻ നായർ (എൻഐ എസ് കോച്ച്) ശങ്കരൻനായർ (റിട്ട: അധ്യാപകൻ) സാവിത്രി അമ്മ, സുമതിഅമ്മ, ശാന്തകുമാരി, പരേതരായ മാധവൻ നായർ, നാരായണൻ നായർ (റിട്ട: അധ്യാപകൻ വാകയാട് ഹയർ സെക്കണ്ടറി)
