കോഴിക്കോട് > ഒരാഴ്ചയായി തുടരുന്ന ശക്തമായ മഴ ശനിയാഴ്ചയോടെ രാത്രിയോടെ കുറയും. എന്നാലും മഴ പൂര്ണമായി വിട്ടുനില്ക്കുന്ന സാഹചര്യം ഉണ്ടാകില്ല.
കാലവര്ഷക്കാറ്റ് കൊങ്കണ് മേഖല കേന്ദ്രീകരിച്ച് വീശുന്നതിന്റെ സ്വാധീനം കോഴിക്കോട് വരെയുള്ള വടക്കന് ജില്ലകളില് ഉണ്ടാകും. കാറ്റിന്റെ വ്യതിയാനം ഈ മേഖലയില് ഇടവിട്ട മഴ പെയ്യിക്കും. കാസര്കോട് ജില്ലയിലാണ് താരതമ്യേന കൂടുതല് മഴ ലഭിക്കുക. ഈ പ്രവണത ചൊവ്വാഴ്ച വരെ തുടരും.
ചൊവ്വാഴ്ച ബംഗാള് ഉള്ക്കടലില് ന്യൂനമര്ദ സാധ്യതയുണ്ട്. ഇതിനെ തുടര്ന്ന് വ്യാഴാഴ്ച മുതല് ശക്തമായ മഴപെയ്യും എന്നാണ് അന്തരീക്ഷസ്ഥിതി അവലോകനം.
